ទស្សាវដ្ដីអន្តរជាតិមួយ ឈ្មោះថា «មេដឹកនាំស្ត្រីបច្ចុប្បន្នភាព » បានចុះផ្សាយ បញ្ជីឈ្មោះ ស្ត្រី ឆ្នើមៗនៅលើពិភពលោក ដែលបានពុះពារ និងកាន់អំណាច ជាប្រមុខរដ្ឋ ឬនាយករដ្ឋមន្ត្រី ឬ ព្រះមហាក្សត្រ ក្នុងនោះ លោកស្រី អ៊ុងសានស៊ូជី ត្រូវគេរាប់ចុងក្រោយគេ ដោយគេរាប់បន្ទាប់ពី លោកស្រី បានឈ្នះឆ្នោតនៅចុងឆ្នាំ២០១៥។
ទស្សាវដ្ដីនេះ បានហៅលោកស្រី អ៊ុងសានស៊ូជី ថាជាជើងឯកនៃ ការតស៊ូដោយអហិង្សា ដើម្បី អំណាច និងនាំឱ្យមានការផ្លាស់ប្ដូរ ការដឹកនាំនៅភូមា និងពិភពលោក។
លោកស្រី អ៊ុង សានស៊ូជី ត្រូវបានពួកយោធាចាប់ខ្លួន ឃុំនៅក្នុងផ្ទះរយៈពេល ១៥ឆ្នាំ បន្ទាប់ពី លោកស្រីដឹកនាំគណបក្ស របស់លោកស្រីឈ្នះឆ្នោត ភ្លូកទឹកភ្លូកដីលើពួកយោធានៅឆ្នាំ១៩៩០។ លោកស្រីក៍បានជាប់ឃុំខ្លួន នៅរយៈពេល៦ឆ្នាំ មុនលោកស្រី ដឹកនាំគណបក្ស សម្ព័ន្ធជាតិដើម្បីប្រជាធិបតេយ្យ ដែលបានឈ្នះឆ្នោតជាថ្មីទៀត នៅ ខែវិច្ឆិកា ឆ្នាំ២០១៥ លើពួកយោធាដដែលនេះ។
លោកស្រីបានទទួលពានរង្វាន់នូប៊ែលសន្តិភាព នៅឆ្នាំ១៩៩០ ខណៈលោកស្រី ជាប់ឃុំហើយនោះ។
បន្ទាប់ពី បានឈ្នះឆ្នោតជាថ្មីទៀតនេះ លោកស្រីបានដោះដូរនយោបាយមួយ ដោយអហិង្សាបំផុត។ លោកស្រីបានណែនាំ អ្នកគាំទ្រ ឱ្យអត់ធ្មត់ គឺកុំអបអរសាទរ លទ្ធផលបោះឆ្នោត និងកុំ វាយប្រហាររិះគន់ អ្នកចាញ់ឆ្នោត ហើយត្រូវធ្វើខ្លួនឱ្យស្អាត មុនពួកយោធា ធ្វើពិធីផ្ទេរអំណាច ។
លោកស្រីបានបែកពីកូនប្រុស២នាក់ គឺជាង ២៥ឆ្នាំ ព្រោះតែរបបយោធា បានកាត់ផ្ដាច់ទំនាក់ទំនង រវាងម្ដាយនឹងកូន ដោយកូនទាំង២ រស់នៅប្រទេសអង់គ្លេស។ លោកស្រីបានបាត់បង់ឪពុក តាំងពីកុមារភាព។ ឪពុករបស់លោកស្រី ដែលគេហៅថា បីតាឯករាជ្យភូមា ត្រូវបានបាញ់សម្លាប់ នៅឆ្នាំ១៩៤៧ គឺចំឆ្នាំដែលប្រទេសនេះ ដណ្ដើមឯករាជ្យពីអាណានិគមអង់គ្លេស។
ទោះជាលោកស្រី មិនបានកាន់តំណែងប្រធានាធិបតី ក៏លោកស្រី បានកាន់តំណែងរដ្ឋមន្ត្រីការបរទេស និង រដ្ឋមន្ត្រីគណៈរដ្ឋមន្ត្រី។
ក្នុងបញ្ជីឈ្មោះស្ត្រីឆ្នើម ពិភពលោក របស់ទស្សាវដ្ដីអន្តរជាតិមួយនេះ ក្នុងនោះមានឈ្មោះ ម្ចាស់ក្សត្រី អង់គ្លេស Elizabeth IIម្ចាស់ក្សត្រី ប្រទេសដាណឺម៉ាក Margrethe II ប្រធានាធិបតី ប្រេស៊ីល Dilma Vana Linhares Rousseff អធិការបតីអាល្លឺម៉ងលោកស្រីអង់ជេលឺម៉ាគែល ប្រធានាធិបតីកូរ៉េ ខាងត្បូងប៉ាកួនហេ នាយករដ្ឋមន្ត្រីបង់ក្លាដេស Sheikh Hasina Wajed និងលោកស្រីអ៊ុងសានស៊ូជី ត្រូវបានចាត់ទុកនៅលំដាប់ទី២០ ក៍ព្រោះតែទស្សាវដ្ដីនេះ ថា លោកស្រី ទើបបានធ្វើឱ្យពិភពលោក ផ្ដាស់ប្ដូរ នៅដំណាក់កាលចុងក្រោយគេ ៕
ប្រភពពី ៖ asiancorrespondent
