ភ្នំពេញ ៖ នៅថ្ងៃទី ២៦ខែមេសា ឆ្នាំ២០១៦នេះ ជាខួប៤ឆ្នាំ នៃការបាញ់សម្លាប់សកម្មជនការពារព្រៃឈើដ៏ល្បីឈ្មោះគឺលោក ឈុត វុទ្ធី។ អ្នកស្រី សម ចាន់ធី ភរិយាលោក ឈុត វុទ្ធី បានផ្តល់បទសម្ភាសន៍ដលវិទ្យុស្ត្រីនៅថ្ងៃនេះ ទាំងអួលដើមកថា គ្រួសារអ្នកស្រី ហាក់គ្មានសង្ឃឹមទទួលបានយុត្តិធម៌ពិតប្រាកដឡើយ។ អ្នកស្រីថា ប្ដីរបស់អ្នកស្រីបានស្លាប់៤ឆ្នាំហើយ ប៉ុន្តែយុត្តិធម៌ជូនស្វាមីគឺ គ្មានពន្លឺឡើយ។
លោកឈុត វុទ្ធី ជាប្រធានក្រុម អភិរក្សធនធានព្រៃឈើ នៅកម្ពុជាត្រូវបានបាញ់សម្លាប់ នៅស្រុកមណ្ឌលសីម៉ា ខេត្តកោះកុង កាលពីថ្ងៃ២៦មេសា ឆ្នាំ២០១២ ខណៈលោកដើរចេញពីល្បាតព្រៃនៅតំបន់នោះ ហើយមានជំលោះជាមួយក្រុមប្រដាប់អាវុធនៅតំបន់នោះ។ លោកត្រូវបានចាត់ទុកថាជាជើងឯកការពារព្រៃឈើ នៅកម្ពុជា យ៉ាងសកម្ម។ ទោះជាយ៉ាងណាអ្នកស្រី បានគាំទ្រឲ្យកូនប្រុសរបស់ អ្នកស្រី ក្លាយជាសកម្មជនការពារព្រៃឈើ ដូចឪពុករបស់ខ្លួន។
ដើម្បីជ្រាបសូមអញ្ចើញស្តាប់បទសម្ភាសន៍រវាង លោក ធូ វិរៈ អ្នករាយការណ៍ព័ត៌មានរបស់វិទ្យុស្ត្រី ជាមួយ អ្នកស្រី សម ចាន់ធី ភរិយាលោក ឈុត វុទ្ធី ដូចតទៅ ៖
