មេដឹកនាំថ្មីនៃប្រទេសឡាវគឺប្រធានាធិបតីជ្រើសតាំង Bounhang Vorachith កំពុងតែរៀបចំប្រទេសរបស់លោកដើម្បីទទួល ប្រធានាធិបតីអាមេរិក បារ៉ាក់ អូបាម៉ា ដែលនឹងធ្វើទស្សនៈកិច្ចជាប្រវត្តិសាស្ដ្រនៅក្នុងប្រទេសសង្គមនិយមមួយនេះនៅខែឧសភា ។ តាមសេចក្ដីរាយការណ៍របស់បណ្ដាញផ្សាយព័ត៌មានឡាវ ប្រធានាធិបតីថ្មីរបស់ប្រទេសឡាវរូបនេះបានកោះប្រជុំគណៈរដ្ឋមន្ដ្រីរបស់លោក គឺភ្លាមៗបន្ទាប់ពីលោកទទួលបានការតែងតាំងពីសមាជិករដ្ឋសភាជាផ្លូវការកាលពីថ្ងៃអង្គារ ហើយការកោះប្រជុំនេះគឺដើម្បីពិនិត្យឡើងវិញទំនាក់ទំនងទ្វេភាគីរវាងឡាវនិងសហរដ្ឋអាមេរិក ។
ក្រុមអ្នកវិភាគមើលឃើញថាទំនាក់ទំនងទ្វេភាគីរវាងឡាវ និងអាមេរិកនៅតែស្ថិតក្នុងស្ថានភាពមិនល្អប្រសើរច្រើននោះទេបើទោះបីជាឡាវបានកែទម្រង់ការដឹកនាំក៏ដោយនោះ ។
ប្រទេសឡាវបច្ចុប្បន្នត្រូវបានមើលឃើញថា មានទំនាក់ទំនងយ៉ាងជិតស្និតជាមួយនិងប្រទេសចិនហើយក៏នៅតែទទួលរងឥទ្ធិពលពីប្រទេសវៀតណាមដដែល ៕
ប្រភព: AFP
