ក្រសួងរតនាគារសហរដ្ឋអាមេរិក បានប្រកាសថា ក្រដាសប្រាក់ ២០ ដុល្លារមានរូបលោកស្រី Harriet Tubman នឹងដាក់ឱ្យប្រើប្រាស់ក្នុងពេលឆាប់ៗខាងមុខ។
គេហទំព័រក្រសួងរតនាគារអាមេរិក U.S. DEPARTMENT of the TREASURY បានឱ្យដឹងថា ការដាក់រូបលោកស្រី Harriet Tubman ក្នុងរូបិយបណ្ណអាមេរិចនេះ ព្រោះលោកស្រីគឺជាវិរនារីហ៊ានបូជាជីវិតក្នុងការតស៊ូដើម្បីសេរីភាពដែលបានរំដោះគ្រួសារទាសកររាប់រយនាក់។
លោកស្រី Harriet Tubman ជាស្ត្រីជនជាតិស្បែកខ្មែរកើតក្នុងជំរុំជាទាសករ និង មានម្តាយឪពុកជាទាសករ ។ លោកស្រីបានក្លាយជាអ្នកតស៊ូដើម្បីលុបបំបាត់ទាសភាពនៅសហរដ្ឋអាមេរិក ហើយបានជួយទាសកររាប់រយនាក់ឱ្យមានសេរីភាពសេរីភាព នៅចុងទសវត្សទី ១៨០០ ។ ក្នុងសម័យសង្គ្រាមស៊ីវិលនៅអាមេរិក លោកស្រី Tubman បានចូលបម្រើការងារជាអ្នកចំអិនអាហារឱ្យកងទ័ព បន្ទាប់មកធ្វើជាគ្រូពេទ្យ ហើយបានក្លាយជាភ្នាក់ងារចលនាស្ត្រីដ៏សំខាន់ដឹកនាំកងទ័ពរំដោះវណ្ណះទាសករ ។
សូមជម្រាបថា លោកស្រី Tubman ជាស្ត្រីដំបូងគេដែលហ៊ានងើបឈរតតាំងប្រឆាំងនឹងទាសភាពនៅអាមេរិច ហើយក៏ជាស្ត្រីទីមួយដែលមានរូបដាក់នៅលើរូបិយបណ្ណរបស់សហរដ្ឋអាមេរិក គិតតាំងពីចុងសតវត្សទី ១៩ មក ។
រូបលោកប្រធានាធិបតី Jackson និង រូបសេតវិមាននៃក្រដាសប្រាក់ ២០ ដុល្លារនឹងត្រូវផ្តូរដាក់រូបស្ត្រីជំនួស ។ ទន្ទឹមគ្នានេះ សហរដ្ឋអាមេរិកនឹងក៏នឹងផ្លាស់ប្តូររូបលើក្រដាសប្រាក់ ៥ ដុល្លារ និង ១០ ដុល្លារផងដែរ។ ការផ្លាស់ប្តូរនេះជាផ្នែកមួយនៃគម្រោងធ្វើឱ្យអត្ថន័យនៃលទ្ធិប្រជាធិបតេយ្យ ភាពចំរុះ និងសមភាព ដែលបង្ហាញបានកាន់តែច្បាស់នៅលើរូបិយបណ្ណរបស់អាមេរិក ។ ក្រដាសប្រាក់ដុល្លារអាមេរិក គឺជារូបិយបណ្ណមានប្រជាប្រិយភាពបំផុតនៅលើពិភពលោក ៕
ប្រភព៖ U.S. DEPARTMENT of the TREASURY
