យ៉ាងតិចណាស់ប្រជាជនឥណ្ឌា៣៣០លាននាក់ ប៉ះពាល់ដោយសារ ភាពរាំងស្ងួតដែលវាចាប់ផ្ដើមក្ដៅខ្លាំងនៅរយៈពេលមួយសប្ដាហ៍ចុងក្រោយនេះ ។ ពួកមន្ត្រីឥណ្ឌានិយាយថាអាកាសធាតុនៅបណ្ដារដ្ឋមួយចំនួន ឡើងកំដៅហើយទឹកបឹងទន្លេ ក៏ចាប់ផ្ដើម រីងស្ងួតដោយសីតុណ្ហភាព ៤០ទៅ ៤២ អង្សាសេ ។ រដ្ឋាភិបាលឥណ្ឌានិយាយថាស្រុកចំនួន២៥៦ស្រុក នៅទូទាំងប្រទេសបានទទួលឥទ្ធិពល ភាពរាំងស្ងួត ។ កាលពីឆ្នាំទៅមិញភាពរាំងស្ងួត និងការឡើងកំដៅអាកាសធាតុនៅឥណ្ឌា បានបណ្ដាលឱ្យ ប្រជាជន ជាង២០០០នាក់ស្លាប់ ។ ឥណ្ឌាជាប្រទេសធំទី២បន្ទាប់ពីប្រទេសចិន ។ ប្រទេសនេះ មានប្រជាជនជាង១០០០លាននាក់ ៕ ប្រភពៈBBC
