ភ្នំពេញ ៖ ប្រធានគណៈកម្មាធិការរៀបចំការបោះឆ្នោតហៅកាត់ថា គ.ជ.ប លោក ស៊ិក ប៊ុនហុក ថ្លែងថាអ្នកចំណាកស្រុក អាចចុះឈ្មោះបោះឆ្នោតបាននៅទីតាំងដែលពួកគាត់តាំងនៅ ។ ការថ្លែងរបស់ប្រធានគ.ជ.ប បានធ្វើឡើងបន្ទាប់ពីជំនួបត្រីភាគីរវាងកម្ពុជា សហគមន៍អឺរ៉ុប និងទីភ្នាក់ងារសហប្រតិបត្តិប្រទេសជប៉ុន ហៅកាត់ថា JICA កាលពីរសៀលថ្ងៃអង្គារ៍ ទី១៩ មេសា នៅទីស្នាក់ការកណ្ដាល គ.ជ.ប ។
តាមច្បាប់ចាស់កន្លងមកអ្នកចំណាកស្រុកមិនអាចចុះឈ្មោះបោះឆ្នោត ឬបោះឆ្នោតនៅទីតាំងដែលខ្លនតាំងនៅបានឡើយ ។ តែយោងតាមប្រសាសន៍របស់លោក ស៊ិក ប៊ុនហុក ប្រព័ន្ធ បោះឆ្នោតថ្មីនេះ មានភាពអនុគ្រោះ សម្រាប់អ្នកចំណាកស្រុក គឺប្រយោជន៍ដើម្បីអោយពួកគាត់ងាយស្រួលចុះឈ្មោះបោះឆ្នោត និងបោះឆ្នោតនៅនឹងកន្លែង ។ ប៉ុន្ដែយ៉ាងនេះក្ដី សម្រាប់ មណ្ឌលបោះឆ្នោតនៅភ្នំពេញ ដែលអ្នកចំណាកស្រុករស់នៅច្រើននោះ គួរតែបន្ថែមអាសនៈ ដែរ ឬទេ ។
ដើម្បីជ្រាបជុំវិញព័ត៌មាននេះសូមអញ្ជើញស្ដាប់បទសម្ភាសន៍ខ្លីរវាងកញ្ញា ជុំ ជោគជាតា ជាមួយ លោក ស៊ិក ប៊ុកហុក ប្រធាន គ.ជ.ប ដូចតទៅ៖
