លោកស្រី អ៊ុងសាន ស៊ូជី មេដឹកនាំគណបក្សឈ្នះឆ្នោតនៃប្រទេសភូមា ដែលពុំធ្លាប់កាន់តំណែងរដ្ឋនឹងបង្ហាញគោលនយោបាយរបស់លោកស្រីទៅកាន់សមាគភាគីនៃសមាគមន៍អាស៊ានក្នុងពេលដែលលោកស្រីត្រូវធ្វើទស្សនៈកិច្ច នៅពេលខាងមុខនេះ។
តាមបណ្ដាញផ្សាយព័ត៌មានរបស់ប្រទេសភូមាលោកស្រី អ៊ុងសាន សូជី នឹងត្រូវធ្វើដំណើរទៅកាន់បណ្ដាប្រទេសសមាជិកអាស៊ាន ០៩ ប្រទេសទៀត នាពេលឆាប់ៗនេះដែលជាលើកដំបូង ខណៈជារដ្ឋមន្ដ្រីការបរទេសកើតចេញពីការបោះឆ្នោតដោយសេរី ត្រឹមត្រូវ និងប្រជាធិបតេយ្យ កាលពីខែវិច្ឆិកា ឆ្នាំ ២០១៥។
លោកស្រី អ៊ុងសាន ស៊ូជី អតីតអ្នកទោសនយោបាយនៃរបបសឹកភូមា បានចេញទៅក្រៅប្រទេស ចាប់តាំងពីឆ្នាំ ២០១២ គឺតាមការអញ្ចើញរបស់មេដឹកនាំនៃប្រទេសទាំងនោះ។ លោកស្រីបានទៅកាន់សេតវិមានដោយបានជួបប្រធានាធិបតីអាមេរិក បារ៉ាក់ អូបាម៉ា ។ លោកស្រីទៅទីក្រុងតូក្យូ ជួបនាយករដ្ឋមន្ដ្រីជប៉ុន ហ្ស៊ីនសូ អាបេ ។ លោកស្រីទៅជួបមេដឹកនាំអឺរ៉ុបនិងចុងក្រោយលោកស្រីបានទៅទីក្រុងប៉េកាំង ជួបកំពូលជាមួយប្រធានាធិបតីចិន ហ្សី ជីនភីង គឹប៉ុន្មានថ្ងៃប៉ុណ្ណោះមុនប្រទេសភូមារៀបចំការបោះឆ្នោត។
ប៉ុន្ដែនៅពេលដែលប្រទេសភូមាធ្វើជាប្រធានសមាគមអាស៊ាន លោកស្រីក៏បានជួបរដ្ឋមន្ដ្រីការបរទេសអាស៊ានមួយចំនួនផងដែរ ក្នុងនោះជួបជាមួយនិងរដ្ឋមន្ដ្រីការបរទេសឥណ្ឌូនេស៊ី ហ្វីលីពីន និងប្រទេសសិង្ហបុរី។
ចំណែកប្រទេសសមាជិកអាស៊ាន ០៦ ទៀតមិនបានជួបនិងសួរសុខទុក្ខលោកស្រី អ៊ុងសាន ស៊ូជី នោះទេក្នុងនោះមានប្រទេសកម្ពុជា ឡាវ វៀតណាម លើកលែងតែអតីតនាយករដ្ឋមន្ដ្រីថៃ យីងឡាក់ ស៊ីណាវ៉ាត្រា តែមួយប៉ុណ្ណោះដែលបានមកសួរសុខទុក្ខលោកស្រីដោយផ្ទាល់។
ក្នុងដំណើរទស្សនៈក្ដីរបស់លោកស្រីក្នុងប្រទេសសមាគមន៍អាស៊ាន គេរំពឹងថាលោកស្រីនឹងដាក់បង្ហាញគោលនយោបាយការបរទេសថ្មីរបស់ប្រទេសភូមា ប្រាប់ទៅកាន់មេដឹកនាំអាស៊ានទាំងអស់ ដែលថាតើពេលនេះតទៅភូមាក្លាយជាប្រទេសបើកជំហទាំងនយោបាយនិងសេដ្ឋកិច្ច។
