ភ្នំពេញ៖ បន្ទាប់ពីច្បាប់ចរាចរណ៍ផ្លូវគោកថ្មីផ្តើមអនុវត្តតាំងពីដើមខែមករាកន្លងមកនេះ លោក អ៊ា ចរិយា នាយកវិទ្យាស្ថានសុវត្ថិភាពចរាចរណ៍ ដែលធ្វើការលើចរាចរណ៍ក្នុងប្រទេសកម្ពុជា សង្កេតឃើញថា ប្រជាពលរដ្ឋបានយកចិត្តទុកដាក់ស្វែងយល់ពីច្បាប់ចរាចរណ៍ផ្លូវគោកថ្មីកាន់តែច្រើន ព្រោះពួកគាត់ភ័យខ្លាចចំពោះការផាក់ពិន័យ និងការប្រឈមជាប់ទោសដាក់ពន្ធនាគារជាដើម។ ទន្ទឹមគ្នានេះ លោកក៏បានរកឃើញថា នៅមានចំណុចអវិជ្ជមានមួយចំនួនទៀត ដែលប៉ូលីសចរាចរណ៍នៅមិនទាន់អនុវត្តឱ្យមានប្រសិទ្ធិភាពនៅឡើយ។ ករណីទាំងនោះ ដូចជាអ្នកបើកបរក្រោមឥទ្ធិពលគ្រឿងស្រវឹក និងជាពិសេសនោះអ្នកបើកបរនៅតែបំពានល្បឿនដែលច្បាប់បានកំណត់ ព្រោះកុងត្រូលត្រួតពិនិត្យល្បឿនរថយន្តនៅមានគម្លាតឆ្ងាយពីគ្នាដែលប្រការនេះ ធ្វើឱ្យអ្នកបើកបរអាចបំពានច្បាប់ចរាចរណ៍បានដដែល។
សូមអ្នកនាង កញ្ញា លោក លោកស្រី ស្តាប់បទសម្ភាសន៍រវាង លោក កែវ សុខា អ្នករាយព័ត៌មាន វិទ្យុស្ត្រី FM 102 ជាមួយ លោក អ៊ា ចរិយា អ្នកឯកទេសកិច្ចការចរាចរណ៍នៅកម្ពុជា ដូចតទៅ៖
