វិមានក្រឹមឡាំងនិយាយថានាយករដ្ឋមន្ដ្រីជប៉ុន ហ្ស៊ីនសូ អាបេនឹងមកធ្វើទស្សនកិច្ចនៅក្រុងមូស្គូនៅខែឧសភា ដើម្បីជួបជាមួយប្រធានាធិបតីរុស្ស៊ី Vladimir Putin ដោយរំពឹងថា នឹងលើកឡើងអំពីបញ្ហាជម្លោះដែនកោះទៅជជែក។
អ្នកនាំពាក្យរបស់ប្រធានាធិបតី Putin លោក Dmitry Peskov បានប្រាប់អ្នកសារព័ត៌មានកាលពីថ្ងៃពុធថាទស្សនកិច្ចរបស់នាយករដ្ឋមន្ដ្រីជប៉ុនអាចនឹងកើតមាននៅខែឧសភាប៉ុន្ដែលោកមិនបានបញ្ជាក់អំពីកាលបរិច្ឆេទនៃទស្សនកិច្ចរបស់មេដឹកនាំជប៉ុនរូបនេះទេ។
លោក អាបេ នាយករដ្ឋមន្ត្រីជប៉ុនត្រូវបានគេមើលឃើញថា លោកព្យាយាមធ្វើឲ្យមានទំនុកចិត្តឡើងវិញចំពោះប្រជាជនជប៉ុនទៅលើជម្លោះដែនកោះគូរីល ដែលមួយចំនួនកំពុងគ្រប់គ្រងដោយប្រទេសរុស្ស៊ីចាប់តាំងពីសង្គ្រាមលោកលើកទីពីរហើយជម្លោះនេះ ធ្វើឲ្យប្រទេសទាំងពីរប៉ះទង្គិចគ្នាផ្នែកការទូត។
អតីតរដ្ឋមន្ដ្រីការបរទេសជប៉ុនម្នាក់ ធ្លាប់មកទីក្រុងមូស្គូម្ដងកាលពីខែមករាកន្លងទៅ គឺនៅពេលនោះបានប្រគល់លិខិតរបស់លោក អាបេ ទៅប្រធានាធិបតី ពូទីន និយាយអំពីកោះមួយចំនួនដែលរុស្ស៊ីកាន់កាប់ប៉ុន្ដែលិខិតនោះមិនត្រូវបានគេបង្កើបឲ្យដឹងថា លោក អាបេ និយាយអ្វីខ្លះទៀតនោះទេ៕
ប្រភព: CNA
