តូក្យូ៖ នាយករដ្ឋមន្ត្រីជប៉ុន ហ្ស៊ីនស៊ូ អាបេ ទទូចឱ្យអាមេរិកបន្តរក្សាកងទ័ពនៅលើទឹកជប៉ុន ដែលលោកចាត់ទុកថា ជាការការពារយ៉ាងរឹងមាំសន្តិសុខតំបន់ ។
លោក ហ្ស៊ីនស៊ូ អាបេ បាននិយាយថា៖ «តាមរយៈការពង្រឹងសម្ព័ន្ធមិត្តអាមេរិក-ជប៉ុន គឺឃើញថា ល្អ ព្រោះវាអាចជួយពង្រឹងសន្តិភាពនិងស្ថេរភាព ក្នុងតំបន់ ហើយមិនតែជប៉ុននោះទេ »។
តាមបណ្ដាញផ្សាយព័ត៌មាន Channel News Asia លោក អាបេ បានថ្លែងដូចនេះ ខណៈប្រតិកម្មទៅនឹងប្រការរបស់បេក្ខជនគណបក្សសាធារណៈរដ្ឋ លោក Donald Trump បានថ្លែងថា អាមេរិកគួរដកទ័ពចេញពីប្រទេសជប៉ុន និង កូរ៉េខាងត្បូង គឺដើម្បីឱ្យប្រទេសទាំងពីរនេះ ចេះការពារប្រទេសដោយ ខ្លួនគេ។ ប៉ុន្តែលោក Donald Trump បែរជានិយាយថា ប្រទេសជប៉ុន និងកូរ៉េខាងត្បូងគួរផលិតអាវុធនុយក្លេអ៊ែរដើម្បីការពារខ្លួន។
កងទ័ពអាមេរិក នៅលើទឹកជប៉ុន មាន ៤៧០០០ នាក់ និងនៅកូខាងត្បូងជាង ៣៥០០០ នាក់ ។ អាមេរិក បានដាក់ទ័ពរបស់ខ្លួនលើទឹកដីប្រទេសពីរនេះ បន្ទាប់ពីបញ្ចប់ពីសង្គ្រាមលោកលើកទី២៕
ប្រភព៖ CNA
