អាជ្ញាធរឆ្មាំសមុទ្រនៃប្រទេសវៀតណាម បានរឹបអូសនាវាដឹកប្រេងមួយគ្រឿងរបស់ចិន បន្ទាប់ពីរកឃើញថាបានចូលមកដែនទឹករបស់ប្រទេសវៀតណាមដោយខុសច្បាប់។
បណ្ដាញផ្សាយព័ត៌មានរបស់វៀតណាម បានឲ្យដឹងថានាវាមួយគ្រឿងរបស់ចិននេះដឹកប្រេង ១០០,០០០ លីត្រហើយត្រូវបានរឹបអូសនៅពេលវាចូលមកដល់ដែនទឹករបស់វៀតណមកាលពីសប្ដាហ៍មុន។
ប្រភពដដែលនេះបានបញ្ជាក់ថា នាវឹកបានសារភាពថាពួកគេពិតជាបានបើកចូលដែនទឹករបស់វៀតណាមមែន ប៉ុន្ដែបាននិយាយថា ប្រេងដែលផ្ទុកលើនាវានោះគឺដើម្បីទៅផ្គត់ផ្គង់ទូកនេសាទចិននៅតំបន់នោះ។ តាមសេចក្ដីរាយការណ៍ដដែលនេះអ្នកបើកនាវឹកបីនាក់ត្រូវបានចាប់ខ្លួន។
ទោះជាយ៉ាងនេះក្ដីរដ្ឋាភិបាលចិនមិនបានឆ្លើយតបភ្លាមៗចំពោះប្រទេសវៀតណាមនេះទេ។ នេះជាលើកដំបូងហើយដែលអាជ្ញាធរឆ្មាំសមុទ្រប្រទេសវៀតណាម បានរឹបអូសនាវារបស់ប្រទេសចិនដែលចូលដែនទឹករបស់ខ្លួន ចាប់តាំងពីប្រទេសទាំងពីរនេះមានជំលោះនឹងគ្នា ក្នុងករណីជំលោះដែនសមុទ្រចិនខាងត្បូងដែលកើ់តឡើងរយៈពេលជាច្រើនឆ្នាំមកហើយ៕
ប្រភព:CNA
