មីយ៉ាន់ម៉ា៖ សភាជាន់ខ្ពស់ភូមានៅថ្ងៃនេះ បានប្រជុំពិភាក្សា លើសេចក្ដីព្រាងច្បាប់មួយ ដើ់ម្បីបង្កើតតំណែងមួយដែលគេថា មានអំណាចខ្ពស់ជាងប្រធានាធិបតីគឺប្រយោជន៍ឱ្យលោកស្រី ក្លាយជាអ្នកសម្របសម្រួលដំណើរគ្រប់គ្រងប្រទេស ។
ការប្រជុំរបស់សភាជាន់ខ្ពស់ភូមា បានធ្វើឡើងមួយថ្ងៃបន្ទាប់ពីលោក ទិន ក្យូវ ជំនួយការរបស់លោកស្រី សូជី បានស្បថចូលកាន់តំណែង កាលពីថ្ងៃម្សិលមិញនេះ។
តាមសារព័ត៌មានភូមា Irrawaddy បានឱ្យដឹងថា សេចក្ដីព្រាងច្បាប់នេះ បានចែងពីការបង្កើតក្រុមប្រឹក្សារដ្ឋដោយមាន ៥មាត្រា ក្នុងនោះលោកស្រី ស៊ូជី នឹងមានតំណែងជាប្រធានទីប្រឹក្សា រដ្ឋនៃសហព័ន្ធមីយ៉ាន់ម៉ា ហើយអាណត្តិគឺដូចប្រធានាធិបតី ។
លោកស្រី សូជី ខកខានមិនបានធ្វើជាប្រធានាធិបតី បានអះអាងថា នឹងកាន់តំណែងខ្ពស់ជាងប្រធានាធិបតី ទោះជាលោកស្រីត្រូវបានរដ្ឋធម្មនុញ្ញរបស់ពួកយោធា រារាំងលោកស្រីក៏ដោយ។ ក្រៅពីតំណែងនេះ លោកស្រី សូជី មានតំណែងមួយទៀតគឺរដ្ឋមន្ត្រីការបរទេស៕
