អាមេរិក៖ ដំណើរការបោះឆ្នោតជ្រើសរើសបេក្ខជនឬគេហៅថា ការបោះឆ្នោតជម្រុះនៅអាមេរិក ដែលបានចាប់ផ្ដើមជាច្រើនសប្ដាហ៍មកនេះ មានភាពក្ដៅគគុក។ ស្ថានភាពនេះ គឺដោយសារតែបេក្ខជនម្នាក់គត់ធ្វើឱ្យមានការរំជួលនៅអាមេរិក គឺ មហាសេដ្ឋីអចលនទ្រព្យ Donald Trump បានវាយប្រហារធ្ងន់ធ្ងរទៅប្រព័ន្ធគ្រប់គ្រងរដ្ឋបច្ចុប្បន្ន។
លោក Trump បានរិះគន់ការគ្រប់គ្រងអន្តោប្រវេសន៍ ថាមានភាពធូររលុង។ លោកប្រកាសរឹតត្បិតអ្នកកាន់សាសនាម៉ូស្លិមមិនឱ្យចូលប្រទេសអាមេ រិក និងប្រឆាំងឥទ្ធិពលចិន និងរុស្ស៊ី ។ បន្ថែមលើនេះ លោក សន្យាធ្វើរបាំងព្រំដែនជាមួយប្រទេសម៉ិចសិកទៀតផង។ ទាំងនេះធ្វើឱ្យអ្នកនយោបាននៅអាមេរិកខ្លះត្រេកអរ ខ្លះព្រួយបារម្ភ អំពីអនាគតប្រទេសអាមេរិក។
តែលោក គល់ បញ្ញា នាយកប្រតិបត្តិអង្គការឃ្លាំមើលការបោះឆ្នោតនៅកម្ពុជា ហៅថា Comfrel មើលឃើញថា លោក Trump ធ្វើឱ្យសេដ្ឋកិច្ចនៅអាមេរិករីកចម្រើន ហើយនយោបាយការបរេទេសរបស់លោក Trump គឺផ្ដោតលើមុខជំនួញច្រើនជាង ហើយបេក្ខជនរូបនេះមិនអាចដឹកនាំអាមេរិកផ្ដាច់ការបានទេ។
ដើម្បីបានជ្រាបសូមស្ដាប់បទសម្ភាសរវាងលោក នួន បូរិន ប្រធានគ្រប់គ្រងព័ត៌មាននៃវិទ្យុស្ត្រី FM ១០២ ជាមួយលោក គល់ បញ្ញា ដូចទៅនេះ៖
