ក្រសួងធនធានទឹក និងឧតុនិយម បានចេញសេចក្តីប្រកាសព័ត៌មានរបស់ខ្លួនឱ្យដឹងថា ស្ថានភាពអាកាសធាតុ សីតុណ្ហភាពអតិបរមា នៅតែមានកម្រិតខ្ពស់ដដែល គឺចាប់ពី (37 – 40 អង្សា) ហើយអាចនឹងមានភ្លៀងកក់ខែចាប់ពីថ្ងៃទី០១ ដល់ថ្ងៃទី០៤ ខែមេសា នៅតាមបណ្តាខេត្ត-រាជធានី។
យោងតាមសេចក្តីប្រកាសដដែល ចាប់ពីថ្ងៃទី០១-០២ ខែមេសា ឆ្នាំ២០១៦ អាចនឹងមានភ្លៀងកក់ខែតិច នៅខេត្តពោធិ៍សាត់ បាត់ដំបង ប៉ៃលិន បន្តាយមានជ័យ សៀមរាប កំពង់ធំ និងខេត្តព្រះវិហារ។ ចាប់ពីថ្ងៃទី ០១-០៤ ខែមេសា ឆ្នាំ២០៦ អាចនឹងមានភ្លៀងកក់ខែពីតិចទៅមធ្យម នៅខេត្តស្ទឹងត្រែង ក្រចេះ កំពង់ចាម ត្បូងឃ្មុំ រតនគិរី មណ្ឌលគិរី កោះកុង កែប កំពត និងខេត្តព្រះសីហនុ ហើយចាប់ពីថ្ងៃទី ០២-០៤ ខែមេសា ឆ្នាំ២០១៦ អាចនឹងមានភ្លៀងកក់ខែពីតិចទៅមធ្យម នៅរាជធានីភ្នំពេញ ខេត្តព្រៃវែង ស្វាយរៀង តាកែវ កំពង់ស្ពឺ និងខេត្តកណ្តាល។
ក្រសួងបានអំពាវនាវឱ្យប្រជាពលរដ្ឋត្រូវមានការប្រុងប្រយ័ត្ន ចំពោះបាតុភូត ផ្គរ រន្ទះ និងខ្យល់កន្ត្រាក់ នៅពេលមេឃរកកល់ភ្លៀងផងដែរ។
