ចិន៖ អ្នកសារព័ត៌មានម្នាក់នៅប្រទេសចិន ដែលត្រូវបានឃុំខ្លួនដោយសារបានទាមទារឱ្យប្រធានាធិបតី ហ្ស៊ី ជិនភិង លាលែងពីតំណែង ត្រូវបានដោះលែងឱ្យមានសេរីភាពវិញហើយ។
មេធាវីរបស់អ្នកសារព័ត៌មាននេះ បានប្រាប់អ្នកសារព័ត៌មានថា កូនក្ដីរបស់លោក គឺ Jia Jia ដែលជាអ្នកអត្ថាធិប្បាយត្រូវបានដោះលែងហើយ បន្ទាប់ពីអាជ្ញាធរឃុំខ្លួនគាត់ រយៈពេល ១ ខែមកនេះ។
លោក Jia Jia បានដាក់ញ្ញត្តិទាមទារលោកប្រធានាធិបតីចិន ហ្ស៊ី ជិនភិង ចុះចេញពីតំណែងនៅលើព័ត៌មាន Online។ ក្នុងញ្ញត្តិនេះ លោកមើលឃើញមេដឹកនាំប្រទេសចិនរូបនេះ ដឹកនាំប្រទេសមិនមានការធ្វើឱ្យសេដ្ឋកិច្ចរីកចម្រើន ហើយធ្វើសេចក្ដីសម្រេចកិច្ចការទូត និងនយោបាយធ្វើឡើងដោយសម្អាងលើអំណាចរបស់ខ្លួន។
បណ្ដាញផ្សាយព័ត៌មាន BBC រាយការណ៍ថា យ៉ាងតិចណាស់នៅមានបណ្ណាធិការព័ត៌មានពីររូបទៀត កំពុងឃុំខ្លួនដើម្បីស៊ើបអង្កេត ដែលពួកគេធ្វើអត្ថាធិប្បាយរិះគន់ ការដឹកនាំរបស់មេដឹកនាំបក្សកុម្មុយនិសចិន៕
ប្រភព៖ BBC
