ភូមា៖ ប្រធានាធិបតីទើបជ្រើសតាំងនៃប្រទេសភូមាបានអះអាងថា គោលនយោបាយរបស់ រដ្ឋាភិបាលលោកគឺ ចាត់ទុកការបង្រួបបង្រួមជាតិជាមួយសហគមន៍ជនជាតិដើមភាគតិច ជាអាយុជីវិតរបស់ជាតិ។
តាមសារព័ត៌មាន Mizzima ការថ្លែងរបស់លោក ទិន ក្សូវ ធ្វើឡើងនៅពេលលោក ថ្លែងសុន្ទរកថាជាលើកដំបូងនៅចំពោះមុខតំណងរាស្ត្រ កាលពីថ្ងៃម្សិលមិញ។
លោកប្រធានាធិបតីភូមាថ្មីរូបនេះបាននិយាយថា ដើម្បីឱ្យមានការបង្រួបបង្រួមជាតិជាមួយនឹងសហគមន៍ជនជាតិដើមភាគតិចគឺ គេត្រូវបង្កើតក្រសួងមួយគេហៅថា ក្រសួងកិច្ចការជនជាតិដើមភាគតិច។
លោកបានប្រាប់អ្នកតំណាងរាស្ដ្ររបស់លោកថាក្រសួងថ្មីនេះត្រូវធ្វើកិច្ចការជាចាំបាច់គឺ ពិនិត្យមើលសន្ដិភាព ការអភិវឌ្ឍ និងស្ថិរភាពជាមួយនឹងសហគមន៍ជនជាតិដើម។ សុន្ទរកថារបស់ប្រធានាធិបតីថ្មីរូបនេះបានទាក់ទាញឲ្យបានការចាប់អារម្មណ៍យ៉ាងខ្លាំងពីអ្នកតំណាងរាស្ដ្រ។
ក្រុមអ្នកតំណាងរាស្ដ្រភាគច្រើនសង្ឈឹមថាក្រោមការដឹកនាំរបស់លោក ទិន ក្សូវ និងក្រោមការចង្អុលបង្ហាញរបស់លោកស្រី អ៊ុងសាន ស៊ូជី ប្រទេសភូមានឹងមានសន្ដិភាពឡើងវិញជាមួយនឹងសហគមន៍ជនជាតិដើមភាគតិច។ បច្ចុប្បន្ននេះសហគមន៍ជនជាតិដើមភាគតិចដែលមាន ៨ ក្រុមធំៗតែងតែពើបប្រយុទ្ធគ្នាជាមួយនឹងកងទ័ពរដ្ឋាភិបាល៕
ប្រភព៖ Mizzima
