ពោធិ៍សាត់៖ «ចលនាគណបក្សសង្គ្រោះជាតិ ដែលជាអ្នកប្រជាធិបតេយ្យ និងជាតិនិយម នឹងឈានទៅកាន់អំណាចដឹកនាំប្រទេសនាពេលខាងមុខនេះ» ។ នេះជាការបញ្ជាក់របស់លោក កឹម សុខា ប្រធានស្តីទីគណបក្សសង្គ្រោះជាតិ ថ្លែងទៅកាន់អ្នកគាំទ្រខ្លួន នៅក្នុងវេទិកាសកម្មជនមូលដ្ឋាន នៅក្រុងពោធិ៍សាត់ ខេត្តពោធិ៍សាត់ ព្រឹកថ្ងៃទី ២០ ខែមីនា ឆ្នាំ ២០១៦ ។
លោក កឹម សុខា មានប្រសាសន៍យ៉ាងដូច្នេះថា ៖ «បើដើម្បីទៅបោះឆ្នោត តើយើងត្រូវធ្វើអ្វីខ្លះពីឥឡូវនេះទៅ? បើយើងមិនដឹងគោលដៅទេ មិនដឹងថា ត្រូវនាំគ្នាទៅណា មិនដឹងត្រូវធ្វើអ្វី? អញ្ចឹងនៅខេត្តពោធិ៍សាត់ថ្ងៃនេះ ត្រូវដឹងថា យើងធ្វើដំណើរឆ្ពោះទៅរកការបោះឆ្នោត។ តើបោះឆ្នោតដើម្បីអ្វី? គឺបោះឆ្នោតនាំមកដើម្បីឱ្យមានការផ្លាស់ប្តូរ ដោយសារប្រជាពលរដ្ឋចង់ឱ្យមានការផ្លាស់ប្តូរ។ តើផ្លាស់ប្តូររបៀបម៉េច? ផ្លាស់ប្តូរដោយសន្តិវិធី ផ្លាស់ដោយវិជ្ជមាន។ ផ្លាស់ប្តូរដោយសន្តិវិធី មិនមែនផ្លាស់ប្តូរដោយអំពើហិង្សា មិនមែនផ្លាស់ប្តូរដោយធ្វើសង្គ្រាម មិនមែនផ្លាស់ប្តូរដោយរដ្ឋប្រហារដាច់ខាត មិនមែនផ្លាស់ប្តូរដោយបដិវត្តន៍អ្វីទាំងអស់ គឺយើងសុំបញ្ជាក់ឱ្យច្បាស់លាស់ គឺផ្លាស់ប្តូរតាមរយៈការបោះឆ្នោតដោយសេរី ត្រឹមត្រូវ និងយុត្តិធម៌តែប៉ុណ្ណោះ» ។
សំឡេងលោក កឹម សុខា ៖
