ភ្នំពេញ៖ ធនាគារជាតិនៃកម្ពុជា សហការជាមួយ សមាគមសហគ្រិនវ័យក្មេងកម្ពុជានឹង រៀបចំអបអរសាទរការដាក់ឱ្យចរាចរប្រាក់រៀលឡើងវិញ លើកទី ៣៦ នៅថ្ងៃទី២០ ខែមីនា ខាងមុខ នៅឯមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។
ការរៀបចំនេះក្នុងគោលបំណងដើម្បីរំឭកខូបនៃការដាក់ឱ្យចរាចរប្រាក់រៀលឡើងវិញ ព្រមទាំងដើម្បីបង្ហាញការគាំទ្រ និងលើកទឹកចិត្ត ឱ្យវិស័យឯកជនបង្កើនការប្រើប្រាស់ប្រាក់រៀល នៅក្នុងការប្រតិបត្តិការអាជីវកម្មរបស់ខ្លួនដោយស្ម័គ្រចិត្ត។
គោលបំណងនេះក៏ចង់បង្ហាញថាប្រាក់រៀល មានសារៈសំខាន់ចំពោះសង្គមជាតិ និង ចូលរួមក្នុងការជំរុញគោលនយោបាយរាជរដ្ឋាភិបាលក្នុងការប្រើប្រាស់ប្រាក់រៀល។
សូមបញ្ជាក់ថា ក្រដាសប្រាក់ផលិតនៅឆ្នាំ១៩៨០ មាន ១២ ប្រភេទ និង ៥ កាក់ ១០ រៀល ២០ រៀល និង ៥០ រៀល។ ដោយសារមានវិបត្តិសេដ្ឋកិច្ចអាស៊ីនៅឆ្នាំ១៩៩០ គេក៏បានបោះពុម្ពក្រដាសប្រាក់ប្រភេទ ៥០រៀល ១០០រៀល ២០០រៀល ៥០០រៀល ១០០០រៀល និង២០០០ រៀល។ ក្រោយមក នៅឆ្នាំ ១៩៩៥ ក្រដាសប្រាក់ប្រភេទពី ១០០ ទៅ ១០០ ០០០ រៀលត្រូវបានចេញផ្សាយ។ ក្រដាសប្រាក់ប្រភេទលើ ១០០០០ រៀល មិនសូវឃើញមានគេចាយទេ។ ក្រដាស់ប្រាក់ប្រភេទថ្មីៗត្រូវបានគេដាក់ឱ្យប្រើប្រាស់ជាបន្តបន្ទាប់តាំងពីឆ្នាំ២០០១ ដល់ ២០០៧៕
