ថៃ៖ នាយករដ្ឋមន្ដ្រីថៃឧត្តមសេនីយ ប្រាយុទ្ធ ចាន់អ៊ូចា បញ្ជាឱ្យកងទ័ពនៅតំបន់ភាគខាងត្បូងប្រទេសពង្រឹងសន្ដិសុខឱ្យបានរឹងមាំ បន្ទាប់ពីមានការវាយប្រហារកាលពីចុងសប្ដាហ៍មុន។
តាមបណ្ដាញផ្សាយព័ត៌មាន Channel News Asia ការវាយប្រហារកាលពីចុងសប្ដាហ៍មុននេះបានបណ្ដាលឱ្យទាហាន ៧នាក់ រងរបួសហើយការវាយប្រហារនេះកើតឡើងនៅខេត្តណារ៉ាត់ធីវ៉ាត់។
នាយករដ្ឋមន្ដ្រីថៃរូបនេះបានបញ្ជាឱ្យតាមចាប់ខ្លួនជនសង្ស័យមកផ្ដន្ទាទោសហើយនិយាយថា រដ្ឋាភិបាលមិនអាចឱ្យមានអំពើហិង្សានេះកើតឡើងទៀតឡើយ។ តំបន់នៅភាគខាងត្បូងដែលជាផ្នែកមួយនៃសហគមន៍មូស្លីម តំបន់នេះបានរងអំពើហិង្សាតាំងពីឆ្នាំ២០០៤ ដោយបានសម្លាប់មនុស្សជាង ៦៥០០នាក់។
ឧត្តមសេនីយ ប្រាយុទ្ធ ចាន់អូចាបានព្យាយាមឱ្យមានបទឈប់បាញ់គ្នានៅតំបន់នោះជាមួយពួកឧទ្ទាមជាច្រើនលើកមកហើយ តាមរយៈការសម្របសម្រួលរបស់មេដឹកនាំម៉ាឡេស៊ី ប៉ុន្ដែមិនបានសម្រេចអ្វីឡើយ។
ប្រភព៖ CNA
