ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេច ហ៊ុន សែន ណែនាំឱ្យមានក្រមខណ្ឌមុខងារនយោបាយមួយសម្រាប់គ្រូពេទ្យឯកទេសដែលចូលនិវត្តន៍ គឺប្រយោជន៍ដើម្បីបន្តមុខងារងាររបស់គ្រូពេទ្យទាំងនោះនៅក្នុងស្ថាប័នរដ្ឋ ។ សម្ដេច ហ៊ុន សែន បានថ្លែងដូចនេះ នៅក្នុងកម្មវិធីសន្និបាតការងាររបស់ក្រសួងសុខាភិបាល ដែលបានធ្វើឡើងនៅថ្ងៃព្រហស្បតិ៍ ទី១០ ខែមីនា ឆ្នាំ២០១៥ នេះ។
សម្តេច នាយករដ្ឋមន្ត្រីមានប្រសាសន៍ថា ធនធានមនុស្សគឺជាការចាំបាច់បំផុត នៅពេលប្រទេសមួយត្រូវការ បញ្ហានេះចាំបាច់ត្រូវបន្តទុកគ្រូពេទ្យឯកទេសដែលចូលនិវត្តន៍បន្ត និរន្តរភាពការងាររបស់ពួកគេទៅតាមជំនាញ ។ ទន្ទឹមគ្នានេះ សម្ដេច បានណែនាំឱ្យក្រសួងសុខាភិបាលរៀបចំគ្រូពេទ្យទាំងនោះ ក្នុងក្របខណ្ឌនយោបាយ ។
ស្របពេលជាមួយគ្នា សម្ដេច ហ៊ុន សែន ក៏បានទទូចឱ្យគ្រូពេទ្យមួយចំនួន ដែលធ្លាប់មានសម្ដីមិនសមរម្យ ឬ ឥរិយាបថមិនសមរម្យត្រូវកែប្រែឡើងវិញ ប្រយោជន៍ឱ្យមានសីលធម៌ស្អាតស្អំ៕
