ស្ត្រីសហគមន៍ទាំង ៨ នៅតាមបណ្ដោយផ្លូវរថភ្លើងដែលបានមកជួបជុំគ្នានៅពីមុខក្រសួងសាធារណការ និងដឹកជញ្ជូន កាលពីថ្ងៃចន្ទ ទី៧ ខែមិនា ពួកគេបានទាមទារឱ្យក្រសួងសាធារណការ និងដឹកជញ្ជូន បើកវេទិកាសាធារណៈអំពីការអភិវឌ្ឍផ្លូវល្បឿនលឿន ប្រយោជន៍ឱ្យពួកគេ ទទួលបានយុត្តិធម៌ ឬសំណងត្រឹមត្រូវពីការអភិវឌ្ឍ។ ក្នុងការតវ៉ានោះស្ត្រី សហគមន៍បានច្រៀងចម្រៀងដែលរៀបរាប់អំពីភាពទុក្ខលំបាក កង្វល់ និងការរស់នៅមួយដែលភ័យខ្លាចបាត់បង់ទីលំនៅរបស់ពួកគេ ។
សូមស្ដាប់បទយការណ៍ដែលរៀបរៀងលោក មឿន ឌីណា ដូចតទៅ៖
នៅពីមុខក្រសួងសាធារណការ និងដឹកជញ្ជូន ស្ត្រីសហគមន៍ទាំង ៨ បានស្រែកតវ៉ាដោយប្រើឧគ្ឃោសនស័ព្ទ និងច្រៀងចម្រៀងដែលពួកគេបាននិពន្ធរួមគ្នាហើយស្រែកច្រៀងរួមគ្នា ពីផលលំបាក និងសេចក្ដីកង្វល់ចំពោះការអភិវឌ្ឍមួយដែលពួកគេថាមានផលប៉ះពាល់ការរស់នៅរបស់ពួកគេ ដោយពួកគេទទូចឱ្យមានព័ត៌មានជាក់លាក់ចំពោះការអភិវឌ្ឍ និងរួមគ្នាការពារផ្ទះយើង។
បទចម្រៀងដែលដំបូងគេជាសំឡេងរបស់ស្ត្រីនៃសហគមន៏ទាំង ៨ ដែលបានមកជួបជុំគ្នានៅពីមុខក្រសួងសាធារណការ និងដឹកជញ្ជូន កាលពីថ្ងៃចន្ទ ទី៧ មិនា គឺមួយថ្ងៃមុន ទិវាសិទ្ធិនារីអន្តរជាតិ ៨ មិនា ហើយចម្រៀងដែលពួកគេច្រៀងនេះគឺ “បទ រួមគ្នាការពារផ្ទះយើង”។
អត្ថន័យនៃបទចម្រៀងនេះចង់បញ្ជាក់ថាទទូចឱ្យប្រជាសហគមន៍ដែលមានផលប៉ះពាល់នៅតាមបណ្ដោយផ្លូវដែកត្រូវរួមរួមគ្នា ទោះបីជាក្រីក្រគឺត្រូវខំប្រឹងការពារភូមិដ្ឋាន ខណៈពួកគេទទូចឱ្យប្រមុខរដ្ឋាភិបាលជួយដល់ពួកគេដែលជារាស្ត្រក្រីក្រ និងផ្ដល់យុត្តិធម៌។
បទចម្រៀងទី២ នេះ ក្រុមសហគមន៍ស្រែកច្រៀងគ្នាគឺបទ “កង្វល់សហគមន៏ផ្លូវដែក” ហើយនៅក្នុងអត្ថន័យក្នុងបទចម្រៀងនេះទៀតសោតបង្ហាញពីក្ដីកង្វល់របស់សគមន៏ព្រោះតែខ្លាចការអភិវឌ្ឍន៏ ធ្វើឱ្យបាត់បង់លំនៅដ្ឋាន ហើយទទូចឱ្យផ្ដល់ព័ត៌មានឱ្យបានគ្រប់ជ្រុងជ្រោយ និងផ្ដល់ក្ដីសង្ឃឹមទៅដល់ពួកគេផង។
បន្ទាប់ពីបទទី៣ បានបញ្ចប់រួចមក ស្ត្រីសហគមន៏ទាំង ៨ បានបន្តស្រែកច្រៀងចម្រៀងដែលទាក់ទងទៅនឹងក្រសួងសាធារណការ និងដឹកជញ្ជូន បទនេះមានចំណងជើងថា “សូមក្រសួងសាធារណការ និងដឹងជញ្ជូនជួយផ្ដល់ព័ត៌មាន”។
ចំពោះបទចម្រៀងនេះដែរ គឺពួកគេទទូចឱ្យក្រសួងផ្ដល់នូវព័ត៌មានឱ្យបានឆាប់ចំពោះការការអភិវឌ្ឍផ្លូវដែក ដែលជាកង្វល់របស់សហគមន៍ ព្រោះពួកគេភ័យខ្លាចថាមិនដឹងថ្ងៃណានឹងទទួលបានដំណឹងនៃការអភិវឌ្ឍផ្លូវល្បឿនលឿនហើយ ដើម្បីពួកគេមានបានទទួលសំណងសមរម្យ។
ចម្រៀងដែលចូលមកបញ្ចប់នេះ គឺជាសម្រែកនៃការស្រែកច្រៀងរួមគ្នា។ មានចំណងជើងថា
”អភិវឌ្ឍន៏ផ្លូវដែក សម្រែកពលរដ្ឋ”។ ក្នុងអត្ថន័យក្នុងបទចម្រៀងនេះដែរ បានបញ្ជាក់ថា ពួកគេមានសេចក្ដីកង្វល់ ចំពោះការអភិវឌ្ឍដែលប៉ះពាល់ដល់លំនៅដ្ឋាន ដែលធ្លាប់តែរស់សុខសាន្ត ឥឡូវប្រែជាមានទុក្ខភ័យ ហើយទទូចឱ្យក្រសួងដែលពាក់ព័ន្ធមេត្តាជួយពន្យល់ដើម្បីបំ បាត់ភាពភ័យខ្លាច។
តាមគម្រោងរបស់រដ្ឋាភិបាល ផ្លួវរថភ្លើងដែលត្រូវស្ថាបនា ផ្លូវល្បឿនលឿននេះ មានប្រវែង ១៣ គីឡូមែត្រ ដោយគិតពីស្ថានីយរថភ្លើងរាជធានីភ្នំពេញទៅកាន់ព្រលានយន្តហោះអន្តរជាតិភ្នំពេញ៕
