ភ្នំពេញ៖ ក្នុងរយៈពេលចុងក្រោយនេះ នៅកម្ពុជាមានសហគ្រិនជាច្រើនកំពុងកាន់កាប់ និងគ្រប់គ្រងលើអាជីវកម្មផ្សេងៗដែលខ្លួនបានបង្កើតឡើង។ ទន្ទឹមនឹងសន្ទុះនៃការរីកចម្រើនលើវិស័យអាជីវកម្មនៅកម្ពុជានេះ ក្នុងនោះចំនួនសហគ្រិនបុរសមានវត្តមានច្រើនជាងសហគ្រិនស្ត្រី។
បើទោះបីជាស្ត្រី និងបុរសមានសមត្ថភាពដឹកនាំអាជីវកម្មរបស់ខ្លួនឱ្យដំណើរការល្អប្រសើរដូចគ្នាយ៉ាងណាក្តី ប៉ុន្តែអ្វីដែលបុរសមិនអាចធ្វើបានដូចស្ត្រី ឬសហគ្រិនស្ត្រីនោះ គឺស្រី្តត្រូវដើរតួនាទីសំខាន់ៗបីយ៉ាងនៅក្នុងគ្រួសារ។ នេះជាការលើកឡើងរបស់លោកស្រី ទីវ ចាន់ដេត ជាសហគ្រិនស្ត្រី និងជានាយិការោងពុម្ព Image Printing។
បើតាមលោកស្រី ទីវ ចាន់ដេត តួនាទីសំខាន់ៗ ទាំងបីនោះរួមមាន ស្ត្រីត្រូវដើរតួនាទីជាអ្នកបង្កើត ស្ត្រីត្រូវដើរតួនាទីជាអ្នកដឹកនាំ និងស្ត្រីត្រូវដើរតួនាទីជាអ្នករក្សានៅក្នុងគ្រួសារ។ ដើម្បីជ្រាបឱ្យកាន់តែច្បាស់ជុំវិញបញ្ហានេះ ជាបន្តសូមនាងកញ្ញា លោក លោកស្រី អញ្ជើញស្តាប់បទសម្ភាសន៍រវាងលោក ម៉ៅ សំណាង និងលោកស្រី ទីវ ចាន់ដេត ជាសហគ្រិនស្ត្រី និងជានាយិការោងពុម្ព Image Printing ដ៏ធំមួយនៅកម្ពុជា ដែលមានខ្លឹមសារដូចតទៅ៖
