អាជ្ញាធរប្រទេសហ្វីលីពីនបាននិយាយថា ខ្លួនបានរឹបអូសនាវាមួយគ្រឿងរបស់កូរ៉េខាងជើងដែលបានឆ្លងកាត់សមុទ្រហ្វីលីពីន ដែលការរឹបអូសនេះក្រុងម៉ានីលអះអាងថាអនុវត្តតាមវិធានការរបស់អង្គការសហប្រជាជាតិ ដែលបានដាក់ចុះដើម្បីដាក់ទណ្ឌកម្មសេដ្ឋកិច្ចប្រឆាំងរបបក្រុងព្យុងយ៉ាង។
អ្នកនាំពាក្យរង របស់ប្រធានាធិបតីលោក Manolo Quezon បាននិយាយថា នេះជាវិធានការចាំបាច់មួយដើម្បីអនុវត្តការដាក់ទណ្ឌកម្មពាណិជ្ជកម្មទៅលើប្រទេសកូរ៉េខាងជើង ដែលដាក់ចុះដោយក្រុមប្រឹក្សាសន្ដិសុខអង្គការសហប្រជាជាតិកាលពីសប្ដាហ៍មុន។ នាវាកូរ៉េខាងជើងមួយនេះមានឈ្មោះថា Jin Teng ត្រូវបានរឹបអូស ហើយនាំយកទៅទុកនៅឆកសមុទ្រ Subic។
រដ្ឋាភិបាលហ្វីលីពីននិយាយថា ពួកគេនឹងបណ្ដេញអ្នកបើកនាវាចេញពីប្រទេសនៅថ្ងៃនេះ។ អ្នកនាំពាក្យឆ្មាំសមុទ្រុនៃប្រទេសហ្វីលីពីនលោក Armand Balilo បានប្រាប់ទីភា្នក់ងារសារព័ត៌មាន AFP ថា នាវឹកចំនួន ២១ នាក់ របស់នាវានេះនឹងត្រូវបាននាំខ្លួនមកសាកសួរមុននឹងបណ្ដេញពួកគេចេញ៕
ប្រភព៖ AFP
