មេដឹកនាំ គីម ជុងអ៊ុន និយាយថា ប្រទេសរបស់លោក បានរៀបចំខ្លួនរួចហើយ ដើម្បីប្រើប្រាស់អាវុធនុយក្លេអ៊ែរ នៅពេលណាមួយចាំបាច់ដែលការប្រកាន់ជំហររបស់ក្រុងព្យុងយ៉ាង ជាការឆ្លើយតបទៅនឹងអាមេរិក អនុម័តវិធានការដាក់ទណ្ឌកម្មលើប្រទេសកុម្មុយនិស្តនេះ ឱ្យកាន់តែខ្លាំងក្លាជាងមុន។
សេចក្ដីរាយការណ៍ របស់ទីភ្នាក់ងារសារព័ត៌មាន កូរ៉េខាងជើង KCNA បាន ឱ្យដឹងថា លោក គីម ជុងអ៊ុន បានថ្លែង ដូចនេះគឺនៅពេលលោកបានប្រាប់ទៅឧត្តមសេនីយរបស់លោកថា ប្រទេសជាតិនេះនឹងបាញ់អាវុធនុយក្លេអ៊ែរបានភ្លាមៗ នៅមុនសភាពការណ៍សង្គ្រាមចូលមកដល់។
កាលពីសប្ដាហ៍មុន ក្រុមប្រឹក្សាសន្តិសុខអង្គការសហប្រជាជាតិ បានអនុម័តដោយសំឡេង រួមគ្នា ទាំង១៥ ប្រទេសដោយ ប្រកាសដាក់ទណ្ឌកម្មសេដ្ឋកិច្ លើរបបក្រុងព្យុងយ៉ាង កាន់តែខ្លាំងក្លា និងទូលំទូលាយជាងមុន ហើយសូម្បីប្រទេសចិនដែលជាសម្ព័ន្ធមិត្តយ៉ាងជិតស្និទ្ធរបស់ក្រុងយ៉ាង ក៏ឯកភាពដែរ។
កូរ៉េខាងត្បូង និងអាមេរិក បានប្រកាសថា ពួកគេនឹងឆ្លើយតបប្រឆាំងកូរ៉េខាងជើង ប្រសិន រដ្ឋឯកកោមួយ ផ្ទុះសង្គ្រាមដោយប្រើអាវុធប្រល័យលោក។ ចាប់តាំង ឆ្នាំ ២០០៦ មក កូរ៉េខាងជើង បានបាញ់សាកល្បងអាវុធនុយក្លេអ៊ែរ ដែលជាប្រភេទអាវុធប្រល័យលោក បាន ៦ លើកមកហើយ៕
ប្រភព៖ BBC
