ក្រោយពីស្ងប់ស្ងាត់សកម្មភាពមួយរយៈ ក្រុមខ្មែរថាវរៈ ដែលដំណើរការដោយក្រុមយុវជនមួយក្រុមមានគ្នា៥នាក់ បានប្រកាសថាក្រុមនេះ ជាក្រុមមួយដ៏សំខាន់ដែលលើកឡើងពីបញ្ហាសិទ្ធិមនុស្ស និងបរិស្ថាន ។ ហើយពេលថ្មី ពួកគេបានចុះបញ្ជីជាអង្គការមិនរកប្រាក់ចំណេញមួយ ជាមួយនឹងក្រសួងមហាផ្ទៃ។
អ្នកស្រី ឈឿន ដារ៉ាវី ប្រធានអង្គការខ្មែរថាវរៈ បាននិយាយថា អង្គការខ្មែរថាវរៈរបស់អ្នកស្រី មិនត្រឹមតែធ្វើលើការងារបរិស្ថានឡើយ ប៉ុន្តែនឹងធ្វើលើបញ្ហាសិទ្ធិមនុស្សផងដែរ។ ក៏ប៉ុន្តែសកម្មភាពរបស់ខ្មែរថាវរៈនៅពេលនេះ នឹងមិនមានការតស៊ូមតិបែបក្ដៅ ហើយត្រូវប្រឈមដូចមុនឡើយ គឺធ្វើការដោយការជជែករកដំណោះស្រាយជាមួយក្រសួងស្ថាប័នពាក់ព័ន្ធជាជាង ការវាយប្រហារ។ ប្រធានប្រធានអង្គការខ្មែរថាវរៈរូបនេះ រំពឹងថា ការធ្វើការបែបត្រជាក់នេះនឹងអាចជួយ អភិវឌ្ឍន៍សហគមន៍ឱ្យល្អប្រសើរ និងលុបបំបាត់ការកាប់បំផ្លាញព្រៃឈើខុសច្បាប់ និងបទល្មើសសត្វព្រៃ តាមផែនការ។ សូមនាងកញ្ញា លោក លោកស្រី ស្ដាប់បទសម្ភាស រវាងលោក គីម ចាន់ចាវ ជាមួយ អ្នកស្រី ឈឿន ដារ៉ាវី ដោយមេត្រី
