ការសិក្សានៅបរទេស គឺជាមធ្យោបាយដ៏ល្អមួយឱ្យអ្នកមើលពិភពលោក និងទទួលយកបទពិសោធនៅកន្លែងថ្មី។ ប៉ុន្តែប្រសិនបើអ្នកកំពុងស្វែងរកកន្លែងសិក្សា ដែលពោរពេញទៅដោយភាពផ្សងព្រេងដែលមិនអាចបំភ្លេចបាននោះ អូស្ត្រាលី ជាប្រទេសដែលល្អបំផុតសម្រាប់អ្នក។
ដូច្នេះ ជាកិត្តិយសក្នុងទិវានៃប្រទេសអូស្ត្រាលី ខ្ញុំបានស្វែងរកហេតុផល ដែលអ្នកគួរតែពិចារណាក្នុងការសិក្សានៅទីនោះ។ ប៉ុន្តែខ្ញុំគួរតែដាស់តឿនអ្នកមួយដែរ គឺនៅពេលដែលអ្នកបានទៅរៀននៅអូស្ត្រាលីហើយ នោះអ្នកនឹងមិនចង់ត្រឡប់ទៅផ្ទះរបស់អ្នកវិញទេ។
ហេតុផលទាំង ២០ ចំណុចនោះរួមមាន៖
១. នៅប្រទេសអូស្ត្រាលី មានសាកលវិទ្យាល័យដែលប្រកបដោយគុណភាពអប់រំល្អៗជាច្រើន ដូច្នេះអ្នកអាចរើសយកសាលានៅក្នុងទីក្រុងណាមួយដែលសក្តិសមនឹង អ្នកបំផុតបាន។
២. មែលប៊ើន និងស៊ីដនី គឺជាទីក្រុងដ៏ល្អបំផុតសម្រាប់និស្សិតមហាវិទ្យាល័យ ព្រោះថានៅទីនោះ មានមនុស្សវ័យក្មេង និងមានសកម្មភាពសប្បាយៗជាច្រើនសម្រាប់អ្នក។
៣. ចំណុចដែលសំខាន់បំផុតនោះ គឺអាកាសធាតុនៅទីនោះពិតជាអស្ចារ្យណាស់។
៤. ឆ្នេរសមុទ្រ គឺស្ថិតនៅខាងក្រោយផ្ទះរបស់អ្នកតែម្ដង។
៥. នៅពេលដែលអ្នកមិនបានខំប្រឹងប្រែងរៀនខ្លាំង អ្នកអាចលម្ហែកាយ ដោយជិះក្ដារលេងកម្សាន្ត ជាមួយរលកធំៗនៅសមុទ្របាន។
៦. បើសិនជាអ្នកចង់ស្វែងយល់ពីជីវិតនៅតំបន់សមុទ្រ “ថ្មប៉ប្រះទឹក” គឺស្ថិតនៅជិតឆ្នេរសមុទ្របំផុត។
៧. អុ្នកអាចទៅផ្សេងព្រេងបាន នៅតាមតំបន់ដាច់ស្រយាល។
៨. អូស្ត្រាលី ផ្ដល់នូវកន្លែងសម្រាប់បោះជំរំដ៏ស្រស់ស្អាតនៅក្រោមពន្លឺផ្កាយ។
៩. បើទោះជាអ្នកទៅទីណាក៏ដោយ ក៏វាមិនខ្វះទេសភាពសម្រាប់ថតបង្ហោះក្នុង Instagramដែរ។
១០. អូស្ត្រាលី មានកន្លែងដែលគួរឱ្យចាប់អារម្មណ៍និងទាក់ទាញជាច្រើន ព្រមទាំងមានសត្វព្រៃដ៏គួរឱ្យស្រឡាញ់ទៀតផង។
១១. វាជាកន្លែងតែមួយគត់ក្នុងលោក ដែលអាចថតរូបខ្លួនឯងជាមួយសត្វដ៏ស្រស់ស្អាតនិងល្បីនៅអូស្ត្រាលី (quokka selfies)។
១២. អូស្ត្រាលី មានក្លឹបកម្សាន្ត និងបារជាច្រើននៅតាមបណ្ដោយស្ពាន Sydney Harbor
១៣. អ្នកអាចយល់ដឹងបាននូវវប្បធម៌របស់អូស្ត្រាលី នៅឯ Sydney Opera House នៅពេលដែលអ្នកចង់ស្គាល់ត្រី Finding Nemo។
១៤. អូស្ត្រាលី គឺជាកន្លែងដ៏អស្ចារ្យបំផុតសម្រាប់ធ្វើការផ្សងព្រេងដែលប្រកបដោយសកម្មភាព ឬការរំភើបជាច្រើន។
១៥. កីឡានៅលើឆ្នេរខ្សាច់ គឺជាផ្នែកមួយនៃជីវិតប្រចាំថ្ងៃរបស់អ្នក។
១៦. ពាក្យបីម៉ាត់៖ ក្ដៅ កីឡាបាល់ឱប កីឡាករ។
១៧. អូស្ត្រាលី ជាកន្លែងសម្រាប់បុគ្គលល្បីៗមួយចំនួនមកទីនេះដែលមានដូចជា Ruby Rose, Margot Robbie, Hugh Jackman, Nicole Kidman និង Cate Blanchett ។
១៨. អ្នកនៅទីនោះ គឺមើលទៅអស្ចារ្យ មិនគួរឱ្យជឿ។
១៩. អ្នករាល់គ្នា និយាយបែបតុងអូស្ត្រាលីជាមួយនឹងរូបរាងដ៏ស្រស់ស្អាតរបស់ពួកគេ។
២០. បងប្អូនប្រុស Hemsworth ដែលជាអ្នកសិល្បៈរូបសង្ហានិងល្បីឈ្មោះនៅអាមេរិក ក៏ជាអ្នកអូស្ត្រាលីដែរ៕
ប្រែសម្រួលដោយ៖ សេង វិបុល / ប្រភព៖ Elitedaily
