គណបក្សសង្គ្រោះជាតិ (CNRP) បានចេញសេចក្តីថ្លែងការណ៍បញ្ជាក់ថា ខ្លួនពុំមានគោលការណ៍ ឬផែនការឱ្យសមាជិក សមាជិកា និងអ្នកគាំទ្រគណបក្សរបស់ខ្លួននៅសហរដ្ឋអាមេរិក និងនៅកាណាដា ធ្វើបាតុកម្មប្រឆាំងដំណើរទស្សនកិច្ចរបស់សម្តេច ហ៊ុន សែន ទៅសហរដ្ឋអាមេរិកឡើយ។
គួរបញ្ជាក់ថា គណបក្សសង្គ្រោះជាតិ បានបើកកិច្ចប្រជុំគណៈកម្មាធិការអចិន្ទ្រៃយ៍ភ្លាមៗ កាលពីរសៀលថ្ងៃទី២៥ ខែមករា បន្ទាប់ពីមានព័ត៌មានផ្សព្វផ្សាយពេញបណ្តាញសង្គមហ្វេសប៊ុកថា សកម្មជនគណបក្សសង្គ្រោះជាតិ នៅអាមេរិកគ្រោងធ្វើបាតុកម្មប្រឆាំងសម្តេច ហ៊ុន សែន នៅខែកុម្ភៈខាងមុខ ពេលដែលលោកទៅ ប្រជុំនៅរដ្ឋកាលីហ្វញ៉ា៕
