ភ្នំពេញ៖ រដ្ឋមន្ត្រីក្រសួងសារព័ត៌មានលោក ខៀវ កាញ្ញារិទ្ឋបានលើកពីទុកលំបាករបស់អ្នកកាសែតនៅអំឡុងឆ្នាំ១៩៧៩ ក្នុងពេលបំពេញការងារដើម្បីផ្តល់ព័ត៌មានជូនសាធារណៈជនទូទៅ។
កាលណោះគឺគ្មានរោងពុម្ពសម្រាប់ការផ្សាយឡើយ ហើយការផ្សាយម្តងៗ ត្រូវចុះជាការសែតដោយរៀបចំខ្នាតនៃទំហំកាសែតនិងប្រើអង្គាលីលេខសម្រាប់វាយអត្ថបទ។ លោក ខៀវ កាញ្ញារិទ្ឋថ្លែងក្នុងពីធីជួបជុំរំលឹកខូប៣៧ឆ្នាំ(១៩៧៩-២០១៦) របស់ការសែតកម្ពុជា ធ្វើឡើងនៅភោជនីយដ្ឋានសេវែនប្រាយ នាព្រឹកថៃ្ងទី២៥ ខែមករានេះ។
លោក ខៀវ កាញ្ញារិទ្ឋ៖ «យាយរួមពេលហ្នឹងយើងប្រឹងប្រែងទាំងអស់គ្នាហើយយើងធ្វើការដល់ម៉ោង៣ភ្លឺ ហើយអត្ថបទវាតិចមែនតែយើងវាយមួយៗបើខុសកែឡើងវិញ ហើយវិចារណកថាយើងសរសេរហើយជំនួញការគេមើល មើលហើយបានគេឲ្យយើងវិញ ត្រូវកែគេកែបើគេមិនកែតែប៉ុណ្ណឹង ប៉ុន្តែអត្ថបទដ៏ទៃទៀតគេអត់មើលទេ ដូច្នេះយើងប្រឹងតាំងពីកវែក កឆ្នាំងរហូតមក»។
រដ្ឋមន្ត្រីក្រសួងសារព័ត៌មានរូបនេះបានបន្ថែមទៀតថាអ្នកដែលបានជ្រើសរើសមកបំពេញការងារជាអ្នកការសែតភាគច្រើនអ្នកដែលសិក្សាខាងផ្នែកនយោបាយ ។
ចំនែកលោក ហាក់ សន ជាអតីតអ្នកសារព័ត៌មានកម្ពុជាបាននិយាយពីគោលបំណងនៃកម្មវិធីសំណេះសំណាលនេះថា ជាការចែករំលែកបទពិសោធរបស់អតីតអ្នកការសែតជើងចាស់ និងជួបជុំអ្នកធ្លាប់បានបម្រើរការងារជាអ្នកការសែតដែលធ្លាប់បែកគ្នាជាយូរមកហើយ។ លោកបន្តថា ដោយសម័យនេះអាជីពអ្នកសារព័ត៌មានការរីកចម្រើនច្រើន ទាំងគំនិត ទាំងបច្ចេកវិទ្យាទំនើប និងធ្វើការបានរហ័ស៕
គួរបញ្ជាក់ផងដែរថា មានអ្នកសារព័ត៌មាន មកពីស្ថាប័នផ្សេងៗប្រមាណជាង ២០០នាក់ បានជួបសំណេះសំណាល និងចែករំលែកបទពិសោធការងារក្នុងវិស័យសារព័ត៌មានគ្នាទៅវិញទៅមកក្នុងពីធីនេះ។
