វីដេអូមួយដែលត្រូវបានចេញផ្សាយកាលពីថ្ងៃអាទិត្យដោយក្រុមភេរវជននៃរដ្ឋអ៊ីស្លាម បានបង្ហាញថា ក្រុមដែលចូលរួមវាយប្រហារនៅក្រុងប៉ារីស ៩ នាក់ បានស្នាក់នៅក្នុងប្រទេសអ៊ីរ៉ង់ និងស៊ីរី មុនពេលពួកគេបានសម្លាប់ប្រជាជនចំនួន ១៣០ ក្នុងក្រុងប៉ារីស កាលពីថ្ងៃទី១៣ តុលា ២០១៥។
នៅក្នុងវីដេអូបង្ហាញពីការគំរាមដល់ទីក្រុងឡុងដ៍ ក៏ដូចជាលោកនាយករដ្ឋមន្ត្រី David Cameron និងអ្នកនាំពាក្យ the House of Commons លោក ចន ប៊ើខាវ (John Bercow)
ផងដែរ។ ពួកគេត្រូវបានបង្ហាញនៅក្នុងឃ្លីបវីដេអូរយៈពេល ១៧ នាទីនោះ ដែលផ្ដោតលើការចោទប្រកាន់ចំពោះអ្នកវាយប្រហារនៅក្រុងប៉ារីស។
ប្រសិនបើអត្តសញ្ញាណបុរសនៅក្នុងវីដេអូនោះត្រូវបានបញ្ជាក់ វានឹងចង្អុលបង្ហាញឱ្យឃើញថាមនុស្ស ៩ នាក់ មិនត្រឹមតែបានទទួលឥទ្ធិពលពីពួកអាយស៊ីសទេ តែក៏បានសម្របសម្រួលដោយក្រុមឧទ្ទាមមកពីបន្ទាយក្នុងប្រទេសអ៊ីរ៉ាក់និងស៊ីរីផងដែរ។
វីដេអូនោះទំនងជាបង្ហាញពីក្រុមវាយប្រហារខ្លះ ថាអាចមានសញ្ជាតិបារាំង និងប៊ែលហ្ស៊ិក ដែលបានប្រព្រឹត្តអំពើឃោរឃៅ និងបានបណ្ដុះបណ្ដាលនៅដែនដីនៃក្រុមរដ្ឋអ៊ីស្លាម អាយស៊ីស។
The Guardian មិនអាចបញ្ជាក់ដោយភាពឯករាជ្យបានទេទាំងវីដេអូ និងទាំងពេលវេលាដែលបានអះអាងបង្ហាញនោះទេ។
អ្នកនាំពាក្យខាងរដ្ឋាភិបាលអង់គ្លេសបានឱ្យដឹងថា៖ «យើងកំពុងធ្វើការត្រួតពិនិត្យវីដេអូផ្សព្វផ្សាយឃោសនាពី Daesh នេះ ហើយការផ្លាស់ប្តូរមួយផ្សេងទៀតពីក្រុមភេវករដែលគួរ
ឱ្យរន្ធត់ គឺច្បាស់ណាស់ថាកំពុងស្ថិតក្នុងការធ្លាក់ចុះ»។
នៅក្នុងវីដេអូនោះក៏បានបង្ហាញពី Abdelhamid Abaaoud ជនសង្ស័យដែលជាមេក្លោងក្នុងការវាយប្រហារលើក្រុងប៉ារីស ដែលត្រូវបានសម្លាប់កាលពីថ្ងៃទី១៨ វិច្ឆិកា ២០១៥ ដោយ
ប៉ូលីសបារាំង នៅឯផ្ទះល្វែងមួមកន្លែងស្ថិតនៅផ្លូវ Denis ប៉ុន្មានថ្ងៃបន្ទាប់ពីការវាយប្រហារយ៉ាងធំនៅទូទាំងទីក្រុង។
ការថតសំឡេងមួយ ដែលបានអះអាងដោយ Abaaoud បង្ហាញពីការរត់ចេញពីការវាយប្រហាររបស់ពលរដ្ឋក្រុងប៉ារីស និងសុន្ទរកថាដោយលោកនាយករដ្ឋមន្ត្រីបារាំង Manuel Valls និងលោកប្រធានាធិបតីបារាំង Francois Hollande ដែលបានថ្លែងពីការបង្ខំឱ្យមានការរួបរួមក្នុងការកម្ចាត់ការវាយប្រហារតាមអាកាសក្នុងប្រទេសអ៊ីរ៉ាក់និងស៊ីរី ហើយនិងការគំរាមវាយប្រហារសងសឹកបន្ថែមទៀត។
បុរសមួយចំនួនត្រូវបានបង្ហាញថាពួកគេនិយាយភាសាបារាំង ដោយមានលក្ខណៈជាជនជាតិដើមបារាំង បើទោះជាមានការប្រែប្រួលដោយសហគមន៍ជនចំណាកស្រុកមកពីអាហ្វ្រិកខាងជើងក៏ដោយ។
អ្នកវាយប្រហារនៅ Bataclan ម្នាក់ វ័យ ២៨ ឆ្នាំ មានឈ្មោះថា Amimour ដែលត្រូវបានដឹងដល់ក្រុមស៊ើបអង្កេតសម្ងាត់បារាំង ថាឳពុករបស់គេបានធ្វើដំណើរទៅកាន់ប្រទេសស៊ីរី ដើម្បីព្យាយាមនាំយកកូនប្រុសរបស់គាត់ត្រឡប់ទៅវិញ តែត្រូវបានគេឃើញថាកាន់ក្បាលជាឈ្លើយសឹក ខណៈដែលអ្នកវាយប្រហារម្នាក់ទៀតឈ្មោះថា Omar Ismail Mostefai វ័យ ២៩ឆ្នាំ បានបំផ្ទុះអាវកាក់របស់ខ្លួននៅខាងក្នុងសាលប្រគំតន្ត្រី ត្រូវបានគេឃើញនៅក្នុងទេសភាពវាលខ្សាច់ ដែលកំពុងកាន់ជនរងគ្រោះម្នាក់។
Abaaoud មិនត្រូវបានគេឃើញក្នុងកាមេរ៉ា ថាសម្លាប់អ្នកណាម្នាក់ទេ។ វីដេអូសម្លាប់ទាំងនោះមិនទាន់ត្រូវបានគេបញ្ជាក់អត្តសញ្ញាណនៅឡើយទេ ប៉ុន្តែសកម្មជនក្រុម Raqqa គឺកំពុងត្រូវបានគេអះអាងយ៉ាងស្ងាត់ស្ងៀមថាមានការបង្ហាញពីអត្តសញ្ញាណបុរសម្នាក់ដែលត្រូវបានគេកាត់ក្បាល ថាជាពលរដ្ឋមកពី Raqqa។
ក្រុមរដ្ឋអ៊ីស្លាម ឬក៏ត្រូវបានគេស្គាល់ថាជា ISIS ឬ ISIL បានចាប់ផ្ដើមចេញផ្សាយនូវកាលពីសប្ដាហ៍មុន ក្នុងទស្សនារដ្តីប្រចាំខែរបស់ខ្លួនឈ្មោះថា Dabiq ដែលមានរូបភាពលិចឡើង៕
ប្រែសម្រួលដោយ៖ សេង វិបុល / ប្រភព៖ The Guardian
