លោកប្រធានាធិបតីអាហ្គានីស្ថានបានសន្យាថានឹង «កប់» ក្រុមរដ្ឋអ៊ីស្លាម (IS) ដែលមានបណ្តាញក្នុងតំបន់ បានប៉ះទង្គិចគ្នាជាមួយកងកម្លាំងរដ្ឋាភិបាល និងក្រុមអ្នកប្រយុទ្ធតាលីបង់។
នៅក្នុងបទសម្ភាសន៍របស់ BBC លោក ហ្កានី (Ghani) បាននិយាយថា IS មិនបានឈ្នះអាហ្វហ្គានីស្ថានទេ ហើយអំពើឃោរឃៅ របស់ពួកគេបានធ្វើឱ្យប្រជាជនស្អប់ជាខ្លាំង។
លោក ហ្កានី ចាត់ទុកការប្រឆាំងរបស់ក្រុម IS ជាសកម្មភាពប្រឆាំងថ្នាក់តំបន់ និងអន្តរជាតិ។
«មានកិច្ចការជាច្រើនដែលខ្ញុំបានបង្កើតឡើង ដើម្បីមូលមតិគ្នាក្នុងតំបន់ ហើយរឿងដែលសំខាន់យើងត្រូវការខិតខំប្រឹងប្រែង និងការផ្តោតអារម្មណ៍ជារួម»។ លោកប្រធានាធិបតីបានលើកឡើងដូចនេះ ក្នុងពេលទស្សនកិច្ចមួយស្តីអំពី វេទិកាសេដ្ឋកិច្ចពិភពលោក នៅរមណីយដ្ឋាន Davos នៃប្រទេសស្វ៊ីស។
នាយកដ្ឋានរដ្ឋរបស់អាមេរិកបាននិយាយកាលពីសប្តាហ៍មុនថា ខ្លួនបានកំណត់បណ្តាញក្រុម IS នៅក្នុងប្រទេសអាហ្វហ្គានីស្ថានថាជាអង្គការភេរវកម្មមួយ។ ក្រុមនេះបានបង្កើតឡើងនៅក្នុងខែមករាឆ្នាំមុន ដោយអតីតសមាជិករបស់ពួកតាលីបង់ប៉ាគីស្ថាន និងអាហ្គានីស្ថាន។
នៅក្នុងសេចក្តីអធិប្បាយផ្សេងទៀតលោក ហ្កានី ព្រមានថា ប្រសិនបើការចរចាសន្តិភាពជាមួយពួកតាលីបង់មិនអាចចាប់ផ្តើមនៅខែមេសានោះ ជម្លោះនេះនឹងធ្វើឱ្យរីករាលដាលផលវិបាកនៅទូទាំងតំបន់។
លោកនិយាយថា៖ «ពេលវេលាមិនមែនជាមិត្តនោះទេ»។ យើងទាំងអស់យល់ថាខែកុម្ភៈ និងខែមីនាសំខាន់ខ្លាំងណាស់»។
ប្រធានាធិបតីអាហ្គានីស្ថានបានឱ្យដឹងទៀតថា ក្រុមអ្នកអង្កេតការណ៍គួរតែយល់ថាសង្គ្រាមនៅប្រទេសរបស់លោកគឺ ជាផ្នែកមួយនៃសង្គ្រាមដ៏ធំមួយដែលរួមបញ្ចូលដោយប្រទេសប៉ាគីស្ថានផងដែរ។
លោកបានផ្តល់យោបល់ថា ប្រទេសប៉ាគីស្ថានដែលគួរតែចាត់វិធានការប្រឆាំងនឹងក្រុមតាលីបង់ដែលមិនព្រមធ្វើការពិភាក្សា៕
ប្រភព៖ BBC News
