ភ្នំពេញ៖ អង្គការតម្លាភាពកម្ពុជា នឹងប្រកាសសន្ទស្សន៍នៃការយល់ឃើញអំពីអំពើពុករលួយរបស់ប្រទេសកម្ពុជានៅថ្ងៃទី ២៧ ខែមករា ឆ្នាំ ២០១៦ខាងមុខ។
ការប្រកាសនេះ គឺផ្អែកលើករណីមួយចំនួន ដូចជាករណីរឿងអាស្រូវក្នុងស្ថាប័នរដ្ឋផ្សេងៗ ការយល់ឃើញនិងបទពិសោធន៍របស់ពលរដ្ឋដែលជួបអំពើពុករលួយ ព្រមទាំងផ្អែកលើការវិភាគរបស់អ្នកជំនាញដែលបានសិក្សាលើបញ្ហាអំពើពុករលួយ។
ទន្ទឹមគ្នានេះដែរ ការប្រកាសសន្ទស្សន៍នៃការយល់ឃើញអំពីអំពើពុករលួយនេះ ក៏នឹងជួយបង្ហាញឱ្យរដ្ឋាភិបាលកម្ពុជាដឹងថា កម្ពុជាស្ថិតនៅក្នុងស្ថានភាពអំពើពុករលួយនៅកម្រិតណា? ជាពិសេសងាយស្រួលដល់រដ្ឋាភិបាល រៀបចំគោលនយោបាយលុបបំបាត់អំពើពុករលួយ។
ដើម្បីជ្រាបច្បាស់ជុំវិញបញ្ហានេះ សូមនាងកញ្ញាលោក លោកស្រី ស្តាប់បទសម្ភាសន៍ រវាង លោក ម៉ៅ សំណាង ជាមួយលោក ព្រាប កុល នាយកប្រតិបត្តិអង្គការតម្លាភាពកម្ពុជា ដូចតទៅ៖
