en     km
en     km

អង្គការទស្សនៈពិភពលោកពង្រីកគម្រោង «មណ្ឌលសុខភាពគំរូចិញ្ចឹមកូនដោយទឹកដោះម្តាយ» ផ្តល់ផលវិជ្ជមានដល់ ស្ត្រីមានផ្ទៃពោះចំនួនជាង៥ម៉ឺននាក់

Share

 

To reduce of the rate of malnutrition in children ages 0-36 month through improving infant and child feeding particle in targeted families in Koah Andaet, This young mother aware of this knowledge and take is child to the health center to receive injection vaccine every month. Image: World Vision Cambodia.

ភ្នំពេញ៖​ អង្គការទស្សនៈពីភពលោកប្រចាំកម្ពុជា​ សហការនឹងភាគីពាក់ព័ន្ធក្នុងការពង្រីកវិសាលភាពគម្រោង «មណ្ឌលសុខភាពគំរូចិញ្ចឹមកូនដោយទឹកដោះម្តាយ» ដល់មណ្ឌលសុខភាពនៅខេត្តព្រះវិហារ និងខេត្តសៀមរាប ដែលមា​​នរយៈពេល ៣ឆ្នាំដោយរាប់ចាប់ពីឆ្នាំ២០២៣ ដល់ឆ្នាំ២០២៦។ តាមរយៈគម្រោងនេះទៀតសោត អង្គការទស្សនៈពិលោកគូសបញ្ជាក់ថានឹងផ្តល់ជាផលវិជ្ជមានស្ត្រីមានផ្ទៃពោះចំនួនជាង ៥៤០០០ នាក់ និងទារកទើបនឹងកើតចំនួនជាង  ១៥ ០០០ នាក់ និងបុគ្គលិកមណ្ឌលសុខភាពចំនួន ១៣០ នាក់ តាមរយៈការកសាងសមត្ថភាពរបស់បុគ្គលិកមណ្ឌលសុខភាព។

នាពេលថ្មីៗកន្លងទៅនេះ អង្គការទស្សនៈពិភពលោកប្រចាំកម្ពុជា សហការជាមួយនឹងដៃគូរពាក់ព័ន្ធដូចជា ក្រសួងសុខាភិបាល (MoH) កម្មវិធីជាតិអាហារូបត្ថម្ភ (NNP) និងមជ្ឈមណ្ឌលជាតិគាំពារមាតា និងទារក (NMCHC )ពង្រីកគម្រោង «មណ្ឌលសុខភាពគំរូចិញ្ចឹមកូនដោយទឹកដោះម្តាយ»។

គម្រោងនេះធ្វើឡើងក្នុងគោលបំណងលើកកម្ពស់ការបំបៅកូនដោយទឹកដោះម្តាយក្នុងម៉ោងដំបូង ការបំបៅកូនដោយទឹកដោះម្តាយតែមួយមុខគត់ និងការបន្តការបំបៅកូនដោយទឹកដោះម្តាយ ដោយអង្គការទស្សនៈពិភពលោក រំពឹងថា នឹងធ្វើឱ្យសុខុមាលភាពរបស់កុមារប្រសើរឡើង និងកាត់បន្ថយការឆ្លងជំងឺ និងមរណៈភាពរបស់កុមារ។

បន្ថែមពីនេះគម្រោងរយៈពេល៣ ឆ្នាំ  (ឆ្នាំ ២០២៣-២០២៦) នេះនឹងផ្តល់ផលវិជ្ជមានដល់ ស្ត្រីមានផ្ទៃពោះចំនួនជាង ៥៤០០០ នាក់ ទារកទើបនឹងកើតចំនួនជាង  ១៥ ០០០ នាក់ និងបុគ្គលិកមណ្ឌលសុខភាពចំនួន ១៣០ នាក់ តាមរយៈការកសាងសមត្ថភាពរបស់បុគ្គលិកមណ្ឌលសុខភាព និងការចូលរួមជាមួយមន្ទីរសុខាភិបាលខេត្ត ដើម្បីត្រួតពិនិត្យ និងតាមដានសេវាដែលផ្តល់ដោយមណ្ឌលសុខភាពទាំង ៣៤ នេះ។ លើសពីនេះទៀត គម្រោងនេះក៏នឹងប្រមូលផ្តុំ និងបណ្តុះបណ្តាល ‘អ្នកប្រឹក្សាការបំបៅដោះកូន’ នៅកម្រិតសហគមន៍ ដើម្បីផ្តល់ប្រឹក្សាដល់ម្តាយ និងសមាជិកគ្រួសារទាំងអស់ ពីការផ្តល់ទឹកដោះម្តាយដល់ទារកទើបនឹងកើត ទារក និងកុមារតូចៗ។

ក្នុងសេចក្តីប្រកាសរបស់អង្គការទស្សនៈពិភពលោកបង្ហាញឱ្យដឹងថា នៅកម្ពុជាអត្រាកង្វះអាហារូបត្ថម្ភក្នុងចំនោមកុមារអាយុក្រោម ៥ ឆ្នាំ មានកម្រិតខ្ពស់បំផុតនៅក្នុងតំបន់។ ក្នុងនោះ កុមារ ២២% មានកម្ពស់ទាបធៀបនឹងអាយុ  (ក្រេះក្រិន) និង កុមារ១០% មិនមានទម្ងន់គ្រប់គ្រាន់ធៀបនឹងកម្ពស់ (ស្គមស្គាំង)។  ការផ្តល់អាហារមិនត្រឹមត្រូវ ទឹកកខ្វក់ កង្វះអនាម័យ ភាពក្រីក្រ និងកង្វះការអប់រំរបស់ម្តាយ គឺជាមូលហេតុចម្បងដែលធ្វើឱ្យកុមារខ្វះអាហារូបត្ថម្ភ៕

Share

ព័ត៌មានទាក់ទង

Image