en     km
en     km

ម្ចាស់ជ័យលាភីណូបែលអ៊ីរ៉ង់ លោកស្រី Mohammadi ធ្វើកូដកម្មបង្អត់អាហារ

Share

គ្រួសាររបស់អ្នកស្រី      Narges Mohammadiបាននិយាយថាសកម្មជនសិទ្ធិមនុស្សអ៊ីរ៉ង់ដែលជាប់ពន្ធនាគារ បានចាប់ផ្តើមធ្វើកូដកម្មអត់អាហារ មួយខែបន្ទាប់ពីនាងបានទទួលរង្វាន់ណូបែលសន្តិភាព។

(លោក ឡាក់ ច័ន្ទតារា រាយការណ៍)

សេចក្តីថ្លែងការណ៍មួយបានឱ្យដឹងថា បុរសអាយុ 51 ឆ្នាំម្នាក់ កំពុងតវ៉ាប្រឆាំងនឹងការបដិសេធរបស់អ៊ីរ៉ង់ចំពោះការថែទាំសុខភាពចំពោះលោកស្រី រួមទាំងអ្នកទោសផ្សេងទៀត និងច្បាប់តម្រូវឪ្យមនុស្សស្រីពាក់កន្សែងគ្របក្បាល ឬhijabជាដាច់ខាត ។ អ្នកស្រី​ត្រូវ​ការ​ការ​ព្យាបាល​ជំងឺ​បេះដូង និង​សួត ប៉ុន្តែ​រដ្ឋអាជ្ញា​កំពុង​រារាំងក្នុង​ការ​បញ្ជូន​នាង​ទៅ​មន្ទីរពេទ្យ។   កាល​ពី​សប្តាហ៍​មុន គ្រួសារ​របស់​លោកស្រី​បាន​និយាយ​ថា នោះ​គឺ​មក​ពី​លោកស្រីមិន​ព្រម​គ្របសក់​របស់​ខ្លួន។      ប្រធានគណៈកម្មាធិការណូបែលន័រវេស ដែលបានផ្តល់ពានរង្វាន់សន្តិភាពដល់អ្នកស្រី Mohammadi សម្រាប់ការប្រយុទ្ធប្រឆាំងនឹងការគៀបសង្កត់លើស្ត្រីនៅអ៊ីរ៉ង់បាននិយាយថា វាជាការព្រួយបារម្ភយ៉ាងខ្លាំង។

ទីភ្នាក់ងារព័ត៌មាន AFP បានរាយការណ៍ថា លក្ខខណ្ឌដែលតម្រូវឪ្យអ្នកទោសស្ត្រីត្រូវតែពាក់កន្សែងគ្របក្បាល ឬhijab ដើម្បីចូលមន្ទីរពេទ្យគឺទង្វើអមនុស្សធម៌ និងមិនអាចទទួលយកបាន ។ ចំពោះបញ្ហានេះ ក៏មិនទាន់​មាន​ការ​អត្ថាធិប្បាយ​ភ្លាមៗ​ពី​ស្ថាប័ន​តុលាការ​ឬ​អាជ្ញាធរ​ពន្ធនាគារ​របស់​ប្រទេស​អ៊ីរ៉ង់​នោះទេ។

សេចក្តីថ្លែងការណ៍ពីក្រុមគ្រួសាររបស់អ្នកស្រី Mohammadi បាននិយាយថា ពួកគេបានជូនដំណឹងទៅ ពន្ធនាគារ Evin ដែលជាពន្ធនាគារដ៏ល្បីល្បាញមួយរបស់ទីក្រុងតេអេហេរ៉ង់ ថាអ្នកស្រីបានចាប់ផ្តើមកូដកម្មអត់អាហារកាលពីព្រឹកថ្ងៃចន្ទ។ កូតកម្មបង្អត់ចំណីនេះ គឺអ្នកស្រីធ្វើឡើងដើម្បីតវ៉ាប្រឆាំងនឹងរឿងពីរ គឺការមិនយកចិត្តទុកដាក់លើការថែទាំសុខភាពរបស់អ្នកទោសដែលឈឺរហូតបណ្តាលឱ្យបាត់បង់ជីវិត និង គោលនយោបាយដែលតម្រូវឪ្យមនុស្សស្រីត្រូវតែពាក់កន្សែងគ្របក្បាល ឬhijabជាដាច់ខាត។

យោងតាមការធ្វើរោគវិនិច្ឆ័យ និងការពិនិត្យអេកូរបស់វេជ្ជបណ្ឌិតដែលគួរឱ្យទុកចិត្តពីពន្ធនាគារ អ្នកស្រីត្រូវតែ ផ្ទេរជាបន្ទាន់ទៅកាន់មជ្ឈមណ្ឌលបេះដូង និងសួត ដើម្បីទទួលការព្យាបាល។

កាលពីថ្ងៃពុធសប្តាហ៍មុន គ្រួសាររបស់អ្នកស្រី Mohammadi បាននិយាយថា មានអ្នកទោសស្រីផ្សេងជាច្រើនទៀតនៅ ពន្ធនាគារEvin បានតវ៉ាអស់រយៈពេលពីរថ្ងៃពីរយប់ ដើម្បីទាមទារឱ្យអាជ្ញាធរឱ្យបញ្ជូនអ្នកស្រីទៅមន្ទីរពេទ្យ។ ប៉ុន្តែត្រូវបានអនុរក្សពន្ធនាគារហាមឃាត់ ក្នុងការបញ្ជូនអ្នកស្រីទៅមន្ទីរពេទ្យបេះដូងព្រោះគ្មានកន្សែងគ្របក្បាល ឬ។

គួរបញ្ជាក់ផងដែរថា     អ្នកស្រី Mohammadi អនុប្រធាន​នៃ​មជ្ឈមណ្ឌល​អ្នក​ការពារ​សិទ្ធិ​មនុស្ស​ក្នុង​ប្រទេស​អ៊ីរ៉ង់រូបនេះ បានជាប់​ពន្ធនាគារ​រយៈពេល ១០ឆ្នាំ មកហើយ។ កាលពីខែកញ្ញា ឆ្នាំ2022 មានការតវ៉ាទ្រង់ទ្រាយធំមួយបានផ្ទុះឡើងនៅទូទាំងប្រទេសអ៊ីរ៉ង់ជាការប្រឆាំងទៅនឹងការស្លាប់នៅក្នុងមន្ទីរឃុំឃាំងរបស់ស្ត្រីម្នាក់ឈ្មោះMahsa Amini ដែលជាស្ត្រីវ័យក្មេង ត្រូវបានប៉ូលីសសីលធម៌ឃុំខ្លួនពីបទពាក់កន្សែងគ្របក្បាលឬហ៊ីចាប “មិនសមរម្យ” ។     នៅក្នុងការតវ៉ានេះទៀតសោត ស្ត្រី និង​កុមារី​បាន​ដុត​កន្សែង​ហ៊ីចាប ឬ​គ្រវី​វា​ទៅលើ​អាកាស​ក្នុង​ការ​ធ្វើ​បាតុកម្ម​ប្រឆាំង​និងច្បាប់មួយនេះ។ ហើយក្នុងព្រឹត្តិការណ៍នោះមនុស្ស​ជា​ច្រើន​បាន​ឈប់​បាំង​សក់ទាំង​ស្រុង​នៅ​ទី​សាធារណៈ​៕

ប្រភព៖ BBC NEWS ចុះថ្ងៃអង្គារ ទី៧ ខែវិច្ឆិកា​ ឆ្នាំ២០២៣

 

Share

ព័ត៌មានទាក់ទង

Image