en     km
en     km

ដំរីមួយក្បាលនៅខេត្តមណ្ឌលគិរី បានស្លាប់នៅអាយុ៦៣ឆ្នាំ

Share

ភ្នំពេញ៖​ ដំរីមួយក្បាលដែលមានឈ្មោះថា សំបូរ ភាគច្រើនសាធារណជនស្គាល់ថា ជាដំរីវត្តភ្នំដ៏ល្បីល្បាញ បានស្លាប់ នៅថ្ងៃទី១៩ ខែតុលា ឆ្នាំ២០២៣ ក្នុងអាយុ៦៣ឆ្នាំ នៅខេត្តមណ្ឌលគិរី។ តាមរយៈគម្រោងជ្រលងសត្វដំរី ឬ Elephant Valley Project (EVP) បញ្ជាក់ថា ដំរីសំបូរ បានស្លាប់ដោយសារតែជំងឺធ្មេញ ហើយមុនពេលស្លាប់ ជំងឺធ្មេញនោះបានធ្វើឱ្យសុខភាពរបស់ដំរីសំបូរចុះទ្រុឌទ្រោមយ៉ាងខ្លាំងនារយៈពេល១ខែចុងក្រោយនេះ។

​ផ្អែកតាមឯកសារមួយចំនួនបង្ហាញថា ដំរីសំបូរ គឺជាដំរីដែលចំណាស់ជាងគេមួយនៅកម្ពុជា ដែលរួចជីវិតផុតពីរបបខ្មែរក្រហម ហើយមុនពេលដែលដំរីសំបូរត្រូវបានគេយកទៅរស់នៅក្នុងខេត្តមណ្ឌលគិរី គេតែងប្រទះឃើញភ្ញៀវទេសចរជិះលេងកម្សាន្តនៅតាមរមណីយដ្ឋានវត្តភ្នំ និងមុខព្រះបរមរាជវាំង៕

រូបដំរីសំបូរ​ ដែលបានស្លាប់នៅខេត្តមណ្ឌលគិរី។រូបភាព៖  Elephant Valley Project

Share

Image
Image
Image