ភ្នំពេញ៖ ក្រុមនិស្សិតសិក្សាមុខជំនាញចិត្តវិទ្យានៅសាកលវិទ្យាល័យភូមិន្ទភ្នំពេញ គ្រោងនឹងរៀបចំ វេទិកាមហាគ្រួសារចិត្តវិទ្យាលើកទី១១ ក្រោមប្រធានបទ “សក្តានុពលនៃអ្នកចិត្តសាស្ត្រក្នុង វិស័យសុខាភិបាល សង្គមកិច្ច សហគមន៏ និងអប់រំ”។
កម្មវិធីនេះនឹងរៀបចំទ្បើងនៅថ្ងៃសុក្រ ទី០៨ ខែមករា ឆ្នាំ២០១៦ វេលាម៉ោង ៨ ព្រឹក ដល់ម៉ោង ៥ រសៀល នៅសាលធំនៃសាកលវិទ្យាល័យភូមិន្ទភ្នំពេញមណ្ឌល ២ ស្ថិតនៅតាមបណ្តោយ មហាវិធីសហព័ន្ធរុស្ស៊ីជាប់រាជ្យបណ្ឌិតសភាកម្ពុជា។
គួរបញ្ជាក់ដែរថា ការប្រារព្ធកម្មវិធីនេះទ្បើងក្នុងគោលបំណងដើម្បីលើកកម្ពស់ស្មារតី និងយកចិត្តទុកដាក់ចំពោះសុខភាពផ្លូវចិត្ត បញ្ជ្រៀបការយល់ដឹងដល់អ្នកចូលរួម ពិសេស សិស្ស-និស្សិតក៏ដូចជាប្រជាពលរដ្ឋកម្ពុជាអំពីសារៈសំខាន់នៃចិត្តិវិទ្យាក្នុងសង្គម៕
