ថ្ងៃព្រហស្បតិ៍ទី១៥ ខែមិថុនា ឆ្នាំ២០២៣ ប្រធាននុយក្លេអ៊ែររបស់អង្គការសហប្រជាជាតិ លោក Rafael Grossi បាននិយាយថា ស្ថានភាពនៅរោងចក្រថាមពលនុយក្លេអ៊ែរ Zaporizhzhia ដែលកាន់កាប់ដោយទីក្រុងមូស្គូក្នុងប្រទេសអ៊ុយក្រែនគឺ “ធ្ងន់ធ្ងរ” ប៉ុន្តែពេលនេះនៅមានស្ថិរភាពនៅឡើយ។
Zaporizhzhia ជារោងចក្រនុយក្លេអ៊ែរដ៏ធំបំផុតរបស់អឺរ៉ុប មានសភាពកាន់តែធ្ងន់ធ្ងរដោយការបាក់ទំនប់ ទឹកសម្រាប់ធ្វើឱ្យត្រជាក់ម៉ាស៊ីនរោងចក្រឋាមពលមួយនេះ។លោក Grossi បានធ្វើដំណើរទៅកាន់រោងចក្រ Zaporizhzhia ដើម្បីវាយតម្លៃពីគ្រោះថ្នាក់នៃរោងចក្រនុក្លេអ៊ែរនេះ។លោកGrossi ប្រធានទីភ្នាក់ងារថាមពលអាតូមិចអន្តរជាតិបាននិយាយថា “យើងមើលឃើញថាស្ថានភាពគឺធ្ងន់ធ្ងរ ដែលបណ្ដាលមកពីការបំផ្លិចបំផ្លាញទំនប់វារីអគ្គិសនី។លោកបន្ថែមថា«ទន្ទឹមនឹងនេះដែរ យើងត្រូវមានវិធានការ ដើម្បីរក្សាស្ថិរភាពរោងចក្រ»។\
លោក Grossi មកដល់រោងចក្រឋាមពលនុយក្លេអ៊ែរ Zaporizhzhia ដោយជិះរថយន្ត Jeep ពណ៌សមានដោតទង់ពណ៌ខៀវ IAEA នៅជាប់រថយន្ត។ រថយន្តរបស់លោកមានក្បួនរថពាសដែកតាមពីក្រោយ។លោកបានពណ៌នាការធ្វើដំណើរនេះថាជា«ការលំបាកខ្លាំងណាស់» ប៉ុន្តែ «សំខាន់» ។
លោកGrossi បាននិយាយថា “ប៉ុន្មានម៉ោងមុននេះ ខ្ញុំមិនប្រាកដថាតើខ្ញុំអាចមកទីនេះ និងមើលរោងចក្រនេះបានឬអត់ទេ”។”ជាការពិតណាស់ នេះគឺជាលទ្ធផលនៃការកើនឡើងនៃភាពតានតឹងក្នុងតំបន់”។
លោកបាននិយាយថាលោកអាចមើលឃើញអាងទឹកសម្រាប់ធ្វើឱ្យត្រជាក់រោងចក្រហើយគឺ “មានទឹកគ្រប់គ្រាន់” ។លោកក៏បាននិយាយផងដែរថាលោកចង់ឱ្យពិភពលោក “ដឹងពីគ្រោះថ្នាក់” ដែលអាចកើតមាន “គ្រោះមហន្តរាយ” ៕
ប្រភព៖ C N A ថ្ងៃទី ១៦ ខែមិថុនា ឆ្នាំ ២០២៣
