ឌូបៃ៖ ជំនួសឱ្យការប្រើកម្លាំងប៉ូលិសសីលធម៌ មេដឹកនាំអ៊ីរ៉ង់កំពុងប្រើយុទ្ធសាស្ត្រថ្មីដែលមិនមានភាពច្របូកច្របល់ដោយសារតែការដាក់ទណ្ឌកម្មស្ត្រីដែលមិនព្រមពាក់ហ៊ីយ៉ាបអ៊ីស្លាម(កន្សែងគ្របក្បាល)ដោយងាកមកប្រើកាមេរ៉ាសុវត្ថិភាពវិញ។នេះជាការប្រុងប្រយ័ត្នការកើតឡើងវិញនូវភាពចលាចលនយោបាយដ៏អាក្រក់បំផុតក្នុងរយៈពេលប៉ុន្មានឆ្នាំមកនេះ។
វិធីសាស្រ្តថ្មីដើម្បីជៀសវាងការតវ៉ាប្រឆាំងរដ្ឋាភិបាលទូទាំងដូចកាលពីឆ្នាំមុន រួមបញ្ចូលទាំងការប្រើប្រាស់កាមេរ៉ាសុវត្ថិភាព។សកម្មជនអ៊ីរ៉ង់បាននិយាយថា វិធានការនេះមិនគ្រាន់តែមានទិសដៅប្រឆាំងនឹងការប្រើហ៊ីចាបប៉ុណ្ណោះទេ តែវាអាចធ្វើឲ្យមានសម្ពាធផ្នែកសេដ្ឋកិច្ចកាន់តែអាក្រក់ ប្រសិនបើវិធីនេះបណ្តាលឱ្យមានការបិទអាជីវកម្មនានា។
លោកស្រី Roya អាយុ 31 ឆ្នាំជាគ្រូបង្រៀនឯកជននៅភាគខាងជើងនៃទីក្រុង Rasht ដែលត្រូវបានចាប់ខ្លួនក្នុងអំឡុងពេលតវ៉ាកាលពីខែវិច្ឆិកា ឆ្នាំ២០២២និងឃុំខ្លួនអស់រយៈពេល ៣ ខែបាននិយាយថា “ការចុះដើរតាមដងផ្លូវគឺជាវិធីរបស់ខ្ញុំក្នុងការរក្សាបដិវត្តន៍របស់យើងឱ្យរស់រវើក” ។
ដោយឡែកអ្នកនាង Maryam សិស្សវិទ្យាល័យនៅទីក្រុង Kermanshah ភាគខាងលិចប្រទេសអ៊ីរ៉ង់ បានប្រាប់រ៉យទ័រថា “យើងមិនខ្លាចការគំរាមកំហែងរបស់របបនេះទេ។ យើងចង់បានសេរីភាព មធ្យោបាយនេះនឹងបន្តរហូតដល់យើងទទួលបានប្រទេសរបស់យើងមកវិញ”។”តើអ្វីទៅជាសេណារីយ៉ូដ៏អាក្រក់បំផុត ប្រសិនបើខ្ញុំដើរនៅតាមផ្លូវដោយមិនមានពាក់កន្សែងគ្របក្បាល? ចាប់ខ្លួនខ្ញុំមែនទេ? ខ្ញុំមិនខ្វល់ទេ”។
អស់ជាច្រើនទស្សវត្សរ៍មកហើយ ស្ត្រីអ៊ីរ៉ងដែលមិនពាក់ហ៊ីចាបកន្សែងគ្របក្បាល ត្រូវបានប៉ូលីសសីលធម៌ដើរល្បាតតាមទីសាធារណៈតាមដាន និងត្រូវចាប់ខ្លួន។
អ្នកស្រុកបានប្រាប់សារព័ត៌មាន Reuters ថាការតវ៉ាប្រឆាំងនឹងមេដឹកនាំអ៊ីរ៉ង់គឺត្រូវបានចាត់ទុកថាប្រឆាំងនឹងច្បាប់ចាប់តាំងពីបដិវត្តន៍អ៊ីស្លាមឆ្នាំ១៩៧៩។មន្ត្រីអ៊ីរ៉ង់ក៏បាននិយាយដែរថា ការល្បាតរបស់ប៉ូលិសសីលធម៌នឹងលែងតាមដានអ្នកបំពានការស្លៀកពាក់បែបឥស្លាមទៀតហើយ៕
