នាយកប្រតិបត្ដិអង្គការតម្លាភាពកម្ពុជា យល់ឃើញថា ការបន្ថែមមុខវិជ្ជាប្រឆាំងអំពើពុករលួយចូលក្នុងកម្មវិធីសិក្សានៅថ្នាក់អនុវិទ្យាល័យ មិនមានប្រសិទ្ធភាព អាចកាត់បន្ថយអំពីពុករលួយបាននោះទេ។
ប្រធានអង្គការមិនមែនរដ្ឋាភិបាលដែលធ្វើការពាក់ព័ន្ធនឹងអំពើពុករលួយរូបនេះបន្តថា ដើម្បីកាត់បន្ថយបញ្ហាអំពីពុករលួយនៅកម្ពុជាឱ្យមានប្រសិទ្ធភាព រាជរដ្ឋាភិបាលគួរតែចេញសារាចរណែនាំព្រមទាំងមានវិធានការ ត្រួតពិនិត្យមើលការអនុវត្ដជាក់ស្ដែងឱ្យបានស៊ីជម្រៅលើបញ្ហានេះ។
លោក ព្រាប កុល ផ្ដល់អនុសាសន៍ថាបើចង់លុបបំបាត់អំពើពុករលួយក្នុងវិស័យអប់រំឱ្យទទួលបានជោគជ័យ កម្ពុជាគួរតែយកគំរូតាមប្រទេសអភិវឌ្ឍន៍នានានៅលើពិភពលោក។
ដើម្បីឱ្យជ្រាបកាន់តែច្បាស់អំពីបញ្ហានេះ ជាបន្តសូមអញ្ជើញស្ដាប់បទសម្ភាសន៍រវាង លោក លៀ ស៊ីណា អ្នកយកព័ត៌មានរបស់វិទ្យុស្រី្ដ FM 102 នៃ WMC ជាមួយលោក ព្រាប កុល ប្រធានអង្គការតម្លាភាពកម្ពុជាដូចតទៅ៖
