loader

កម្ពុជា-វៀតណាមពង្រឹងសហប្រតិបត្តិការពាណិជ្ជកម្ម និងពន្លឿនការសាងសង់ផ្សារគំរូព្រំដែន

តាមការចុះផ្សាយរបស់ក្រសួងពាណិជ្ជកម្មក្នុងជំនួបមួយដែលធ្វើឡើងរវាងរដ្ឋមន្រ្ដីក្រសួងពាណិជ្ជកម្មកម្ពុជា និងអនុរដ្ឋមន្រ្ដីក្រសួងឧស្សាហកម្មនិងពាណិជ្ជកម្មវៀតណាមបានឱ្យដឹងថា ប្រទេសទាំងពីរកំពុងធ្វើកិច្ចសហប្រតិបត្តិការវិស័យសេដ្ឋកិច្ច និងពាណិជ្ជកម្មជាមួយគ្នា ជាពិសេសការពន្លឿនផែនការសាងសង់ផ្សារគំរូឲ្យចប់ជាស្ថាពរនៅចុងឆ្នាំ២០១៨ខាងមុខនេះ។

នៅក្នុងជំនួបកាលពីថ្ងៃទី១០ ខែឧសភា ឆ្នាំ​២០១៨ ដដែលនេះ ឱ្យដឹងបន្ដថា ភាគីវៀតណាមបានផ្ដល់ជំនួយជាទឹកប្រាក់ជាង ២លានដុល្លារសហរដ្ឋអាមេរិក សម្រាប់ការសាងសង់ផ្សារគំរូព្រំដែនជាលើកដំបូងនេះ។

ផ្សារគំរូព្រំដែន ឬផ្សារដា ដែលកម្ពុជា-វៀតណាម​ ប្តេជ្ញាពង្រឹងកិច្ចសហ​ប្រតិបត្តិ​ការ​សេដ្ឋកិច្ច​ពាណិជ្ជកម្ម និងពន្លឿន​ការ​សាង​សង់ត្រឹមចុង​ឆ្នាំ​២០១៨អោយរួច គឺស្ថិតនៅក្នុងស្រុកមេមត់ ខេត្តត្បូងឃ្មុំ នៃព្រះរាជាណាចក្រកម្ពុជា។

គួរបញ្ជាក់ដែរថា  ក្រៅពីការជម្រុញអោយផ្សារព្រំដែនគំរូ ឬផ្សារដែររួចរាល់នៅចុងឆ្នាំ ២០១៨ ភាគីវៀតណាមក៏បានបង្ហាញជំហរក្នុងការពង្រឹង និង​ពង្រីក​កិច្ចសហ​ប្រតិបត្តិ​ការ​សេដ្ឋកិច្ច និង​ពាណិជ្ជកម្ម​ទ្វេ​ភាគី​ឲ្យ​សម្រេច​បាន​ ៥០០០លាន​ដុល្លារ​សហរដ្ឋ​អាមេរិច នៅ​បណ្ដាឆ្នាំ​ខាងមុខផងដែរ៕

បញ្ចេញមតិ

avatar

ព័ត៌មានទាក់ទង

ចិនលេងល្បែងសងសឹងប្រឆាំងនឹងកាណាដា

ចិនលេងល្បែងសងសឹងប្រឆាំងនឹងកាណាដា

ថ្ងៃពុធ ទី១៦ ខែមករា ឆ្នាំ២០១៩

គេហទំព័រព័ត៌មាន Business insider  បញ្ចេញព័ត៌ម[...]

វិភាគ៖ហេតុអ្វីលោក ម៉ាដូរ៉ូ ចាប់ឃុំខ្លួនមេដឹកនាំបក្សប្រឆាំងឃុំតែមួយម៉ោងហើយដោះលែងវិញភ្លាម?

មេដឹកនាំគណបក្សប្រឆាំងនិង ជាអតីតប្រធានរដ្ឋសភាល[...]

ចិនកាត់ទោសពលរដ្ឋកាណាដាម្នាក់ដោយទោសប្រហារជីវិតករណីគ្រឿងញៀន

តុលាការមួយនៃប្រទេសចិន កាលពីថ្ងៃចន្ទទី១៤ មករា [...]

ព័ត៏មានថ្មី

វីដេអូថ្មីបំផុត