ភ្នំពេញ៖ក្រសួងអប់រំយុវជននិងកីឡាបានដាក់បញ្ជូលកម្មវិធីសិក្សាជំនាញធុរកិច្ចក្នុងកម្មវិធីសិក្សាក្នុងកម្រិតថ្នាក់វិទ្យាល័យដើម្បីឲ្យសិស្សានុសិស្សអាចបង្កើតមុខរបរនិងការងារនៅពេលរៀនចប់ថ្នាក់ទី១២។អង្គការអន្តរជាតិខាងការងារគាំទ្រក្រដោយចាត់ទុកថាកម្មវិធីនេះ នឹងជួយបង្កើតធនធានមនុស្សជាហសគ្រិនភាព។
ក្រសួងអប់រំ យុវជន និងកីឡាគ្រោងនឹងពង្រីកវគ្គបណ្តុះបណ្តាលជំនាញធុរកិច្ចក្នុងកម្រិតថា្នក់ វិទ្យាល័យយ៉ាងតិច២៥ខេត្តនៅទូទាំងប្រទេសនៅក្នុងឆ្នាំនេះ។ក្រសួងរំពឹងថាសិស្សានុសិស្សប្រមាណ៥០០នាក់នឹងចូលរួមវគ្គបណ្តុះបណ្តាលជំនាញធុរកិច្ចនេះ។
កាលពីឆ្នាំ២០១៦កន្លងមកមន្ត្រីជំនាញរបស់ក្រសួងអប់រំបានផ្តល់វគ្គបណ្តុះបណ្តាលក្នុងគម្រោងសាកល្បងនៃជំនាញធុរកិច្ចដល់សិស្សានុសិស្សប្រមាណ២៥០នាក់ក្នុងចំណោមវិទ្យាល័យយ៉ាងតិចំនួន៥។
បើតាមសៀវភៅសន្ទានុក្រមពាក្យថ្មីរបស់លោកសាស្ត្រាចារ្យ ទូច គីមស្រ៊ាង ជាសមាជិកក្រុមប្រឹក្សាជាតិភាសាខ្មែរពន្យល់ថាពាក្យធុរកិច្ចមានន័យថាការធ្វើជំនួញឬការវិនិយោគ។
លោក តូច ជឿន អគ្គនាយកដ្ឋានយុវជននៃក្រសួងអប់រំយុវជននិងកីឡាបានធ្វើបទបង្ហាញក្នុងសិក្ខាសាលាចែករំលែកបទពិសោធន៍ស្តីពីការអនុវត្តគម្រោងសាកល្បងការអប់រំសហគ្រិនភាព«ការយល់ដឹងអំពីធុវរកិច្ច»កាលពីថ្ងៃទី៧ ខែ មីនា ឆ្នាំ២០១៨ថាជំនាញផ្នែកធុរកិច្ចបានដាក់បញ្ជូលក្នុងក្រមខណ្ឌកែទម្រង់កម្មវិធីសិក្សាថ្មីរបស់ក្រសួងអប់រំយុវជននិងកីឡាចាប់តាំងពីឆ្នាំ២០១៣ហើយឆ្នាំនេះនឹងពង្រីកការបណ្តុះបណ្តាលជំនាញធុរកិច្ចរហូតដល់២៥រាជធានីខេត្ត។
បន្ទាប់ពីបញ្ចប់គម្រោងសាកល្បងនៃជំនាញធុរកិច្ចតាមសាលារៀនដោយទទួលបានយោគជ័យច្រើនលោក តូច ជឿន ពន្យល់ថាជំនាញធុរកិច្ចនេះនឹងផ្តល់ប្រយោជន៍ដល់សិស្សានុសិស្សដោយជួយតម្រង់ទិសពួកគេក្នុងការបង្កើតមុខរបរដែលខ្លួនស្រលាញ់និងជួយបង្កើតការងារនិងផ្តល់ការងារដល់ប្រជាពលរដ្ឋនិងអភិវឌ្ឍសង្គមជាតិតាមរយៈការបង់ពន្ធជូនរដ្ឋ។
លោក តូច ជឿន៖«យើងចង់តម្រង់ទិសយើងឲ្យគាត់បង្កើតមុខរបរដោយខ្លួនឯកដោយសារសហគ្រិនភាពជាមធ្យោបាយមួយបង្កើតមុខរបរដោយខ្លួនចូលរួមចំណែកបង្កើតការងារដល់សង្គមជាតិទាំងមូលហើយបង់ពន្ធដាក់ជូនរដ្ឋ។ហើយជាមធ្យោបាយក្នុងបង្កើតធនធានឬដណ្តើមធនធានទ្រព្យសម្បត្តិនៅក្នុងកម្រិតតំបន់ឬទូទាំងអន្តរជាតិ។»
លោក តូច ជឿនថាជំនាញធុរកិច្ចនេះនឹងផ្តល់ចំណេះជំនាញដល់សិស្សានុសិស្សឲ្យបង្កើតផ្នត់គំនិតថ្មីៗ។លោកថាដើម្បីក្លាយជាសហគ្រិនភាពគ្រូជំនាញធុរកិច្ចនឹងបង្រៀនសិស្សអំពីការប្ដេជ្ញាចិត្ត ឧស្សាហ៍ព្យាយាម ការស្វែងរកឱកាស ជឿជាក់លើខ្លួនដោយហ៊ានប្រឈមនឹងបញ្ហានិងដោះស្រាយបញ្ហាដោយភាពរស់រវើកជាដើម។លើសពីនេះជំនាញផ្នែកធុរកិច្ចនេះក៏ផ្តល់នូវចំណេះជំនាញផ្នែកទីផ្សារនិងការគ្រប់គ្រងផ្នែកហិរញ្ញវត្ថុដល់សិស្សផងដែរ។
លោក ទុន សុភ័ណ អ្នកសម្របសម្រួលអង្គការអន្តរជាតិខាងការងារប្រចាំកម្ពុជាហៅកាត់ថាអង្គការILOសង្កេតឃើញថាមានផលវិជ្ជាមានច្រើនបន្ទាប់ពីដាក់ឲ្យដំណើរការសាងល្បងពីជំនាញធុរកិច្ច។ផលវិជ្ជាមានគឺការផ្លាស់ប្តូរវិធីសាស្ត្របង្រៀនដែលគ្រូជាអ្នកសម្របសម្រួលហើយសិស្សអនុវត្តជាក់ស្តែងឬផ្ទាល់។មួយវិញទៀតជំនាញនេះបានផ្លាស់ប្តូរឥរិយាបថសិស្សជាមួយមនុស្សជុំវិញខ្លួននិងឥរិយាបទសិស្សនិងគ្រូ។
លោក ទុន សុភ័ណ៖«ផ្លាស់ប្តូរឥរិយាបទរបស់សិស្សក្នុងការប្រាស្រ័យទាក់ទងជាមួយមនុស្សថ្មីអាចជាសិស្សខ្លួនឯងប៉ុន្តែអាចជាអតិថិជនក្នុងការលេងហ្គេមនិងការបណ្តុះបណ្តាលសហគ្រិនភាពនេះ។ផ្លាស់ប្តូរឥរិយាបទអំពីការគិតអំពីថាតើត្រូវឲ្យគេចាប់ងាម្មរណ៍មកលើរបស់ខ្លួនដែលត្រូវលក់(ទំនិញ)ឬក៏សេវារបស់ខ្លួនដែលត្រូវផ្តល់ឲ្យរបៀបម៉ិចតាមរយៈការអប់រំសហគ្រិនភាពនេះ។ហើយផ្លាស់ប្តូរមួយទៀតទាក់ទងការគិតទំនាក់ទំនង់រវាងសិស្សនិងគ្រូផ្លាស់ប្តូរច្រើនដោយសារគ្រូមានតួនាទីធ្វើយ៉ាងណាជួយឲ្យសិស្សមានសកម្មភាពច្រើនសិស្សត្រូវធ្វើ។»
ទោះបីយ៉ាងណាស្របពេលនឹងផលវិជ្ជាមានលោក ទុន សុភ័ណថាក៏មានផលអវិជ្ជមានដែរដូចខ្វះធនធានគ្រូជំនាញធុរកិច្ច ខ្វះខាតសម្ភារៈជាដើម។
ក្រៅពីបើកវគ្គបណ្តុះបណ្តាលចំនាញធុរកិច្ចនៅក្នុងសាលារៀន លោក តូច ជឿន បញ្ជាក់ថាជំនាញធុរកិច្ចនេះក៏បង្រៀននៅតាមសហគមដែរ។ជាក់ស្តែងលោកថាកាលពីឆ្នាំ២០១៦កន្លងមកក្រសួងអប់រំយុវជននិងកីឡាបានបើវគ្គបណ្តុះបណ្តាលរយៈពេល៥ថ្ងៃដល់ប្រជាពលរដ្ឋនៅតាមបណ្តាខេត្តប្រមាណ២ពាន់នាក់ដោយបង្រៀនអំពីរបៀបស្វែករកទីផ្សារនិងអតិថិជន ការកំណត់តម្លៃលក់និងការគ្រប់គ្រងចំណូលចំណាយជាដើម។
បើតាមលោក ទុន សុភ័ណ អ្នកសម្របសម្រួលអង្គការអន្តរជាតិខាងការងារប្រចាំកម្ពុជាមើលឃើញថាជំនាញធុរកិច្ចនឹងផ្តលជំនាញទន់ដល់សិស្សានុសិស្សនិងផ្តល់ការងារឬមុខរបរពិតប្រាកដនៅពេលពួកគេឈប់រៀន៕
