អនុប្រធានាធិបតីអាមេរិក Mike Pence បានព្រមានប្រទេសទួកគីថាខ្លួនអាចនឹងប្រឈមនឹងសមាជិកភាពរបស់ខ្លួននៅក្នុងអង្គការណាតូបើសិនជាខ្លួនបន្តគម្រោងទិញប្រព័ន្ធការពារដែនអាកាសរបស់រុស្ស៊ីទោះបីជាមានការជំទាស់ពីសហរដ្ឋអាមេរិកនិងអន្តរជាតិច្រើនលើកច្រើនសារក៏ដោយក្ដី។

ថ្លែងនៅក្នុងពិធីខួបអនុស្សាវរីយ៍លើកទី 70 របស់អង្គការ NATO លោក Pence បាននិយាយថាប្រទេសតួកគីកំពុងប្រឈមនឹងការបណ្តេញចេញពីកម្មវិធី Fighter-35 Joint Strike Fighter ដែលអាចធ្វើឱ្យមានផលប៉ះពាល់ធ្ងន់ធ្ងរទៅដល់ក្រុមអ្នកផលិតគ្រឿងបន្លាស់សម្រាប់យន្តហោះ​នោះ។

Mike Pence ប្រាប់ទួកគីខ្លាំងៗថា  “ទួកគីត្រូវតែជ្រើសរើស ថាតើចង់នៅតែជាដៃគូដ៏សំខាន់នៅក្នុងសម្ព័ន្ធភាពយោធាដែលទទួលបានជោគជ័យបំផុតនៅក្នុងប្រវត្តិសាស្ត្រពិភពលោកឬ ចង់ប្រថុយប្រថានសន្តិសុខនៃភាពជាដៃគូនោះដោយធ្វើការសម្រេចចិត្តមិនប្រុងប្រយ័ត្នដែលធ្វើឱ្យប៉ះពាល់ដល់សម្ព័ន្ធភាពរបស់យើងទេ”។​

ទោះបែបនេះក្ដី រដ្ឋមន្រ្ដីការបរទេសទួកគី Cavusoglu ឆ្លើយតបជុំវិញបញ្ហានេះថា កិច្ចសន្យាទិញលក់នោះបានសម្រេចទៅហើយ នឹងពុំអាចត្រឡប់ក្រោយបានទេ ព្រោះយើងក៏ធ្លាប់ស្នើទិញពីសម្ព័ន្ធមិត្តដែរតែវាមិនមកទាន់ពេលវេលា ដែលខណៈនេះយើងត្រូវការប្រព័ន្ធការពារនេះជាចាំបាច់។​

យ៉ាងដូច្នេះក្ដី តំណាងរាស្ត្រមកពីបក្ស ប្រជាធិបតេយ្យលោកអេល្យូតអេនអេល (Eliot Engel) និងលោក Michael McCaul តំអ្នកតំណាងមកពីគណបក្សសាធារណរដ្ឋបាននិយាយថាពួកគេបានព្រមានចំពោះលោកកាវូសូហ្គូលថាការពង្រឹងទំនាក់ទំនងជាមួយមូស្គូ “នឹងប្រឈមនឹងការដាក់ទណ្ឌកម្មនិងការចូលរួមរបស់ទួរគីនៅក្នុងកម្មវិធី F-35” ។ទោះជាយ៉ាងណាក៏ដោយលោក Cavusoglu បាននិយាយថាលោកជឿជាក់ថាប្រទេសទួកគីអាចបញ្ចុះបញ្ចូលឱ្យសហរដ្ឋអាមេរិកដឹងថា S-400 មិនមែនជាហានិភ័យឬគំរាមកំហែងដល់ណាតូទេ។

លោកបានថ្លែងថា: «យើងបានបញ្ជាក់យ៉ាងច្បាស់ថាប្រព័ន្ធនេះនឹងមិនឃើញប្រព័ន្ធណាតូណាមួយរួមទាំងយន្តហោះ F-35s ជាសត្រូវនោះទេ»។ លោកបានបន្ថែមថាប្រទេសទួរគីបានស្នើឱ្យបង្កើតក្រុមការងារបច្ចេកទេសមួយដែលនឹងធ្វើឱ្យប្រាកដថាកាំជ្រួច S-400 មិនបានបង្កឡើង ការគំរាមកំហែងមួយ។