អាជ្ញាធរខេត្តព្រះវិហារប្រមាណជា២០នាក់បានឃាត់ ក្រុមអង្គការព្រះពុទ្ធសាសនាដើម្បីសន្តិភាពនៅចំណុចភោជនីយដ្ឋានម្លប់ត្រសេក នៅព្រឹកថ្ងៃសុក្រនេះ ខណៈព្រះអង្គនិមន្ត អប់រំអំពីសារសំខាន់នៃបរិស្ថាន ។
ព្រះតេជគុណ បូរ បេត បានផ្តល់បទសម្ភាសន៍ជាមួយវិទ្យុស្ត្រីនៅថ្ងៃនេះថា ដើមចមដែលបង្កឱ្យមានការឃាត់ព្រះកាយពីព្រោះក្រុមអង្គការព្រះពុទ្ធសាសនាដើម្បីសន្តិភាព ដឹកនាំដោយព្រះតេជគុណ ប៊ុត ប៊ុនតិញ បានធ្វើដំណើរទៅកាន់ខេត្តព្រះវិហារក្នុងគោលបំណងដើម្បីចែកអាវយឺតជូន សហគមន៍ដែលជាអ្នកការពារព្រៃទ្បង់នៅភោជនីយដ្ឋានម្លប់ត្រសេក ។
បន្ទាប់ពីចែកអាវយឺតនោះរួចហើយស្រាប់តែនៅម៉ោងប្រមាណជា ៧ និង ៣០នាទីព្រឹកមានកងកម្លាំងសមត្ថកិច្ចចេញមកឃាត់ ក្រុមរបស់ព្រះអង្គដោយ មិនឱ្យនិមន្តវិលត្រទ្បប់មកក្រុងភ្នំពេញវិញ ក្រោមហេតុផលថាក្រុមនេះ មកចែកអាវយឺតនោះមិនបានជូនដំណឹងដល់អាជ្ញាធរឱ្យបានដឹងជាមុន ។ ជាបន្តសូមស្តាប់សង្ឃដីការរបស់ព្រះតេជគុណ បូរ បេត៖
