en     km
en     km

ស្ថានការណ៍​យោធា​នៅ​លើ​ឧបទ្វីប​កូរ៉េ​តានតឹង​យ៉ាង​ខ្លាំង​ខណៈ​អា​មេ​រិ​ក​ធ្វើ​សមយុទ្ធ​យោធា​ (មានសំឡេង)

Share

នៅថ្ងៃសុក្រ ទី២១ មេសានេះ ស្ថានការណ៍យោធានៅលើ ឧបទ្វីបកូរ៉េ មានភាពតាមតឹង ជាងសព្វមួយដង ដោយសារអាមេរិក និង កូរ៉េ ខាងត្បូងធ្វើសមយុទ្ធយោធា ដែលមានយន្តហោះនិងឧទ្ថម្ភាគចក្រជាង១០០គ្រឿងហោះ ពេញអាកាសដែនសមុទ្រនឹងលើប្រទេសកូរ៉េខាងត្បូងដែលផ្ដើមឲ្យទីក្រុងព្យុងយ៉ាង រំកិលទ័ព មកកាន់សមរភូមប្រយុទ្ធរបស់ខ្លួន។ តើនេះជាផ្នែកមួយនៃការផ្ដើមឲ្យមានរងើកភ្លើងលើឧបទ្វីបកូរ៉េដែរឬទេ? លោក នួន បូរិន ជួនសេចក្ដីប្រែសម្រួល៖


analys
នៅលើផ្ទៃសមុទ្រកូរ៉េខាងត្បូងមើលទៅខៀវងងឹតនោះហើយ ជាការចេញនាវាចម្បាំងរបស់អាមេរិកសំដៅធ្វើសមយុទ្ធយោធាជាមួយកូរ៉េខាងត្បូង ដែលចាប់ផ្ដើមនៅថ្ងៃនេះ។ កងទ័ពអាមេរិករត់ប្រសាចចេញពីនាវាចម្បាំងឡើងគោកអមដោយរថក្រោះ ខណៈទ័ពជើងគោករបស់កូរ៉េខាងត្បូង រត់ឡើងលើរថក្រោះ បើកធ្វើការវាយប្រហារលើគោលដៅ ដែលត្រៀមទុកជាមុន។
នេះជាសមយុទ្ធថ្មីបំផុត រវាងកងទ័ពអាមេរិក និងសម្ព័ន្ធមិត្ដកូរ៉េខាងត្បូង ដែលត្រូវបានមើលឃើញថា ជាការត្រៀមលក្ខណៈហើយស្រេច ដើម្បីចូលលុកលុយទីក្រុងព្យុងយ៉ាងប្រសិនបើមានការវាយប្រយុទ្ធគ្នា រវាងប្រទេសបងប្អូនទាំងពីរនេះ កើតឡើងនៅពេលណាមួយនោះ។
នៅលើដីគោករថក្រោះបើកប្រសាចប្រដេញគ្នា នៅពេលដែលកាំភ្លើងត្បាល់ និងកាំជ្រូចបាញ់ចេញទាំងសងខាងសំដៅលើសត្រូវ ស្របពេលដែលឧត្ថម្ភចក្រ ទម្លាក់គ្រាប់បែករាប់រយគ្រាប់ធ្លាក់មកលើដី ហើយភ្លាមមួយរំពេច ទ័ពអាមេរិកបានដល់គោលដៅនៃការដណ្ដើមសមរភូមិដើម្បីកាន់កាប់។
មើលទៅគឺជាការវាយប្រយុទ្ធគ្នា ស៊ីសាច់ ហុតឈាម រវាងគូប្រយុទ្ធទាំងពីរ ខណៈសមយុទ្ធនេះបាញ់សុទ្ធតែគ្រាប់ពិតរៀងៗខ្លួន។
មួយរំពេចនោះឧត្ថម្ភាចក្រ និងយន្ដហោះចម្បាំងជាង ១០០គ្រឿង ហោះពេញលើដែនសមុទ្រកូរ៉េខាងត្បូង ហើយពេលខ្លះហៀរចូលលំហអាកាសកូរ៉េខាងជើង ដែលធ្វើឲ្យក្រុងព្យុងយ៉ាងត្រៀមសភាវុធ ដើម្បីឆ្លើយតបការវាយប្រហារ ប្រសិនបើឧត្ថម្ភាចក្រ នោះវាយប្រហារលើកងទ័ពរបស់ខ្លួន។
krob
នាវាចម្បាំងដ៏ធំមួយគ្រឿងរបស់សហរដ្ឋអាមេរិកបានបន្ដខ្ជាក់រថក្រោះរាប់សិបគ្រឿងថែមទៀត ហើយរថក្រោះទាំងនោះបើកសំដៅទៅទីតាំងរបស់ខ្លួនដើម្បីវាយប្រហារលើគួសត្រូវ។
ការវាយប្រហារមានភាពសន្ធោសន្ធៅដោយការបាញ់ស្រោចគ្រាប់ចេញពីរថក្រោះ និងកាំជ្រូច បាញ់លើគោលដៅដែលខ្លួនត្រូវបាញ់ពីសត្រូវរបស់ខ្លួន។ សត្រូវរបស់អាមេរិកគ្មានអ្វីក្រៅពីកូរ៉េខាងជើងនោះទេ។ សមយុទ្ធនេះអាចជាការផ្ដើម ឲ្យទីក្រុងព្យុងយ៉ាងខឹងសម្បារជាថ្មីម្ដងទៀត ការដែរក្រុងវ៉ាស៊ីនតោនបញ្ជូននាវាដ៏ធំមួយ ដែលផ្ទុកទៅដោយយន្ដហោះចម្បាំង និងកាំជ្រូចប្រមាណជា ៣០០គ្រៀង មកកាន់ដែនសមុទ្រកូរ៉េហើយនោះ។

បន្ថែមលើនេះទៀតមានសេចក្ដីរាយការណ៍មកថា នាវាចម្បាំងរបស់អាមេរិក ឈ្មោះថា រ៉ូណាល់ រីហ្គេន បានមកដល់មូលដ្ឋានទ័ពរបស់ខ្លួននៅប្រទេសជប៉ុនស្របពេលដែលនាវា អាម៉ាដា បានសំដៅទៅសមុទ្រអូស្ដ្រាលីរួចហើយ ដើម្បីប្រុងប្រៀងវាយប្រហារកូរ៉េខាងជើង។
បើទោះជាមានការបង្ហាញរូបភាពអាមេរិកនិងកូរ៉េខាងត្បូងសន្ធឹកសន្ធាប់យ៉ាងណាក៏ដោយ ក៏កូរ៉េខាងជើងមិនបានថមថយ អំនួតរបស់ខ្លួនឡើយ។ ទីក្រុងព្យុងយ៉ាង ភ្លាមៗបានព្រមានថា នឹងធ្វើការវាយប្រហារទៅលើសហរដ្ឋអាមេរិកតែម្ដង ដោយប្រើកាំជ្រូចបំពាក់ក្បាលគ្រាប់នុយក្លែអ៊ែ បើសង្គ្រាមធ្លាក់មកដល់នោះ។
kroab
នៅពេលដែលអាមេរិកនិងកូរ៉េខាងត្បូងកំពុងធ្វើសមយុទ្ធ ដោយបាញ់កាំជ្រូចផ្លោងរាប់សិបគ្រាប់ ប្រទេសចិនបានបញ្ជូន យន្ដហោះចម្បាំងជាច្រើនគ្រឿងហោះឃ្លាំមើលតាមព្រំដែនរបស់ខ្លួនជាប់កូរ៉េខាងជើង ខណៈដែលកងទ័ពជើងគោកចិន បានដាក់ពង្រាយរួចជាស្រេចហើយចំនួន ១សែន ៥ម៉ឺននាក់។
យ៉ាងណាក៏ដោយសមយុទ្ធនេះនឹងបិទបញ្ចប់នៅថ្ងៃទី២៨ មេសា ដែលចន្លោះពេលនេះ ធ្វើឲ្យមានការព្រួយបារម្ភយ៉ាងខ្លាំងពីការទាញទម្លាក់ឧបទ្វីបកូរ៉េធ្លាក់ចូលក្នុងភ្នក់សង្គ្រាមជាថ្មីម្ដងទៀត ខណៈប្រទេសទាំងពីរនេះបានពុះជ្រៀកជាពីរដោយសារសង្គ្រាមត្រជាក់ នៅឆ្នាំ១៩៥០-៥៣។

មានការព្យាករណ៍ថា សង្គ្រាម អាមេរិក-កូរ៉េខាងជើង នឹងផ្ទុះឡើងប្រសិនបើក្រុងវ៉ាស៊ីតោន សម្រេចបញ្ជូននាវាចម្បាំង ទី៧ និងទី៨ ទៅសមុទ្រកូរ៉េគឺ ដូចអាមេរិក វាយប្រហារអ៊ីរ៉ាក់នៅឆ្នាំ២០០៣ ដើម្បីទម្លាក់របបផ្ដាច់ការសាដាបហូសេន៕

Share

Image
Image
Image