លោកស្រី Sheikh Hasina ប្រធានគណបក្សសម្ព័ន្ធអាវ៉ាមី បាននិយាយថា គោលនយោបាយរបស់គណបក្សកាន់អំណាច សម្រាប់យកទៅប្រកួតការបោះឆ្នោត គឺសំដៅកាត់បន្ថយភាពក្រីក្រ តាមរយៈការជំរុញកំណើនសេដ្ឋកិច្ចប្រសិនលោកស្រីឈ្នះឆ្នោតជាថ្មីទៀត សម្រាប់អាណត្តិទី៣ ។
ទីភ្នាក់ងារសារព័ត៌មាន Reuters បានចុះផ្សាយថា គោលនយោបាយរបស់គណបក្ស អាវ៉ាមី មានកម្រាស់ ៨៨ទំព័រ ដែលត្រូវបានផ្សព្វផ្សាយដោយ លោកស្រី Sheikh Hasina ដោយសន្យាបង្កើនផលទុនសរុប កើនពី៧,៨ភាគរយទៅ ៩ភារយ នៅរយៈពេលពីរឆ្នាំទៀត។
ប្រទេសស្រីលង្កានឹងធ្វើការបោះឆ្នោតសភា នៅថ្ងៃទី ៣០ធ្នូ ឆ្នាំ ២០១៨ ដែលគេរំពឹងថា គណបក្សប្រឆាំងធំជាងគេគឺរណសិរ្យឯកភាពជាតិដែលជាកម្លាំងប្រមូលផ្ដុំនៃក្រុមគណបក្សតូចៗ ជាច្រើន គឺជាការកម្លាំងនយោបាយតែមួយគត់អាចធ្វើឱ្យបក្សកាន់អំណាច ប្រឈមជាខ្លាំង។ ក្រុមនេះ គឺជាចលនា ដើម្បីស្ដារលទ្ធិប្រជាធិបតេយ្យនៅបង់ក្លាដេស។
ក្រុមសិទ្ធិមនុស្សបានរិះគន់ច្រើនទៅលើបក្សកាន់អំណាចរបស់លោកស្រី Sheikh Hasina ដែលបានបង្ក្រាបក្រុមប្រឆាំង។
ប្រទេសស្រីលង្កាជាប្រភពនៃការផលិតវាយនភណ្ឌដើម្បីនាំចេញទៅអឺរ៉ុប អាមេរិក ដែលសេដ្ឋកិច្ចប្រទេសនេះពឹងផ្អែកដល់ទៅ ៨០ភាគរយ។ ជាមួយគ្នានេះ ក្រុមគណបក្សប្រឆាំងបានបញ្ចេញរបាយការណ៍របស់ខ្លួនជាច្រើនទំព័រ ដោយវាយប្រហារធ្ងន់ៗទៅលើបក្សកាន់អំណាចករណីបង្រ្កាបសិទ្ធិសេរីភាពរបស់ពលរដ្ឋ៕
