ប្រទេសវេណេហ្សូអេឡា ក្នុងសប្ដាហ៍នេះ បានជួបវិបត្តិអត់អគ្គិសនីនិងទឹកស្អាតប្រើប្រាស់ជាថ្មីម្ដងទៀត បន្ទាប់ពីករណីដូចនេះបានកើតឡើងម្ដងកាលពីដើមខែមីនា។ តាមការចុះផ្សាយរបស់ទីភ្នាក់ងារសារព័ត៌មានAP វិបត្តិដាច់ភ្លើងអគ្គីសនី បាននាំអោយ ទឹកស្អាត សម្រាប់អ្នកក្រុងនៅរដ្ឋធានីការ៉ាកាសជួបការលំបាកជាខ្លាំង។ ពួកគាត់បានទៅដងទឹកទីផ្សេងៗដែលមានចរន្តទឹកតែមិនមែនជាទឹកស្អាតនោះទេ។ គេឃើញអ្នកស្រុកបាននាំគ្នាទៅរកទឹកងូតនៅតាមដងស្ទឹង។
ចំណែកហាងមួយចំនួននៅក្នុងក្រុងបានបិទទ្វារ ដោយសារ ដាច់ភ្លើងអគ្គិសនី។ មិនតែប៉ុណ្ណោះសាលារៀន ការិយាល័យ រោងចក្រភាគច្រើនបានបិទទ្វារដែរ។ កាលពីសប្ដាហ៍ទី១នៅខែមីនានេះ ទីក្រុងធំៗ ជាពិសេស រដ្ឋធានីការាកាសបានអត់ភ្លើងអគ្គិសនី ដៅទៅ ៥ថ្ងៃ បណ្ដាលឱ្យ ពលរដ្ឋជាពិសេស អ្នកជំងឺត្រូវធ្វើការវះកាត់មានការលំបាកជាខ្លាំង។
ការកើតមានវិបត្តិអគ្គិសនីនេះ កើតឡើងចំពេល ប្រទេសផលិតប្រេងដ៏ធំទី៤នៃពិភពលោកនេះ កំពុងមានជំលោះនយោបាយដ៏ធ្ងន់ធ្ងរ ដែលពលរដ្ឋគាំទ្រ បក្សប្រឆាំង បានដើរតាមផ្លូវ ដើម្បីទំលាក់លោកប្រធានាធិបតីនូកូឡាសម៉ាឌូរ៉ូ។ លោកម៉ាឌូរ៉ូបានចោទអាមេរិកជាអ្នកធ្វើវិច្ឆេតកម្មថាមពលអគ្គិសនីក្នុងគោលបំណងផ្ដួលរំលំលោកដោយរដ្ឋប្រហារ។ ស្របពេលជាមួយគ្នានេះ មូលនិធិរូបបីវត្ថុIMF បានរកឃើញថា អតិផលរណាទីផ្សាររបស់ប្រទេសនេះ ហក់ឡើង២លានភាគរយហើយ នៅពេលនេះ។IMF ព្រមានថា សេដ្ឋកិច្ចប្រទេសនេះនឹងក្រឡាប់ ដែលនាំអោយពលរដ្ឋធ្លាក់ក្នុងវិបត្តិសង្គមយ៉ាងធ្ងន់ធ្ងរ៕
