គណៈប្រតិភូគណបក្សប្រជាធិបតេយ្យបានសម្រេចជ្រើសតាំង លោកស្រី Hillary Clinton ជាបេក្ខជនសម្រាប់តំណែងប្រធានាធិបតីដែលជាស្ត្រីដំបូងគេបង្អស់ នៃប្រវត្តិសាស្ត្រសហរដ្ឋអាមេរិក។
លោកស្រី បានឈានទៅដល់ចំណុចសំខាន់ដែលគណៈប្រតិភូទាំង ៥០រដ្ឋមកចូលរួម សន្និបាតជាតិប្រជាធិបតេយ្យ (DNC) ហើយជ្រើសតាំងលោកស្រី។
លោកស្រី គ្លីនតុន ត្រូវបានជ្រើសតាំង បន្ទាប់ពីមានការរំខានមួយរបស់អ្នកគាំទ្រសមាជិកព្រឹទ្ធសភា Bernie Sanders ដោយស្រែកដោយកំហឹងនៅក្នុងថ្ងៃដំបូងនៃសន្និបាតរបស់អ្នកស្ត្រី។
ក្រុមមន្ត្រីគណបក្សបានបន្ធូរបន្ថយភាពតានតឹង នៅពេលមានការតវ៉ាមួយ។
លោកស្រី គ្លីនតុន ត្រូវបានជ្រើសតាំងជាបេក្ខជនប្រធានាធិបតីរបស់ គណបក្សគឺដោយការអនុម័តពីគណៈប្រតិភូចំនួន ២៣៨២ នាក់។
គូប្រកួតជាមួយលោកស្រីគឺលោក Donald Trump មកពីគណបក្សសាធារណរដ្ឋ។ សហរដ្ឋអាមេរិកនឹងបោះឆ្នោតប្រធានាធិបតីនៅថ្ងៃទី៨វិច្ឆិកាឆ្នាំ ២០១៦៕
