ភូមា៖ មេដឹកប្រទេសភូមា លោកស្រី អ៊ុង សានស៊ូជី បានធ្វើដំណើរទៅកាន់ប្រទេសចិននៅថ្ងៃពុធនេះគឺ ជាការធ្វើតេស្តការទូតធំបំផុតរបស់រដ្ឋាភិបាលភូមា ករណីគម្រោងទំនប់វារីអគ្គិសនីមួយរបស់ចិនដែលបានផ្អាក ទៅហើយ។
ទំនប់វារីអគ្គិសនីនេះ មានភាគហ៊ុនជាមួយចិន គឺតាំងពីអតីតមេដឹកនាំយោធា ដោយក្រុមហ៊ុន មកពីប្រទេសចិនបានដាក់ភាគហ៊ុន ៣ពាន់ ៦០០លានដុល្លារអាមេរិក ប៉ុន្តែត្រូវបានជំទាស់ យ៉ាងខ្លាំងពី សហគមន៍ ជនជាតិដើមភាគតិចភូមា នៅភាគខាងជើង។
ដំណើរទស្សនកិច្ចរបស់លោកស្រី អ៊ុង សានស៊ូជី នៅទីក្រុងប៉េកាំងនៅពេលនេះក្នុងនាមជា រដ្ឋមន្ត្រីការបរទេស ភូមា គឺជាការពង្រឹង ឡើងវិញសហប្រតិបត្តិការទ្វេភាគីរវាងប្រទេសទាំង២។
លេខាធិការក្រសួងការបរទេស របស់ប្រទេសមីយ៉ាន់ម៉ា អចិន្ត្រៃយ៍លោកស្រី Aung Lynn បានប្រាប់ទីភ្នាក់ងារសារព័ត៌មាន Reuters ថា៖ «បើសិនជាថ្នាក់ដឹកនាំចិនបង្ហាញបញ្ហាជាក់លាក់មួយចំពោះគំរោងទំនប់វារីអគ្គិសនីដ៏ ចម្រូងចម្រាស់គឺ យើងនឹងពន្យល់ដល់ពួកគេវិញនូវអ្វីដែលយើងបានធ្វើ»។
លោកស្រី ស៊ូជី នឹងនៅប្រទេសចិនរយៈពេលបួនថ្ងៃនេះតាមការអញ្ជើញរបស់លោកនាយករដ្ឋមន្ត្រី Li Keqiang។ លោកស្រី នឹងជួបជាមួយលោកប្រធានាធិបតី Xi Jinping ៕ ប្រភព:Reuters