ភ្នំពេញ៖ វេទិកាភាពជាអ្នកដឹកនាំក្រោមប្រធានបទ«ភាពជាអ្នកបន្ដវេន»ដែលរៀបចំឡើង នៅឯមជ្ឈមណ្ឌលសហប្រតិបត្តិការកម្ពុជា-ជប៉ុន ស៊ី.ជេ.ស៊ី.ស៊ី មានរយៈពេលបីថ្ងៃគឺចាប់ពីថ្ងៃទី ០៨ដល់ថ្ងៃទី ១០ ខែ តុលា ឆ្នាំ២០១៦។
យុវជន យុវនារី ដែលបានលះបង់ពេលវេលានៃថ្ងៃឈប់សម្រាក ពួកគាត់បានមកចូលរួមវេទិការនេះ ដោយបង្ហាញក្ដីរំភើបបន្ទាប់ពីបាន ស្ដាប់ពីបទពិសោធន៍ នៃភាពជោគជ័យរបស់ សហស្ថាបនិក ប្រធានឬ នាយកប្រតិបត្ដិ ក្រុមហ៊ុនផ្សេងៗ។ យុវជន យុវនារីទាំងនេះបានបញ្ជាក់ថា វេទិកានេះបានលើកទឹកចិត្ដពួកគេឱ្យចង់ក្លាយជាអ្នកដឹកនាំ ដូចមេដឹកនាំជំនាន់មុនផងដែរ។
លោក លៀ ស៊ីណា អ្នករាយការណ៍ព័ត៌មាន របស់វិទ្យុស្ត្រីបាន ចុះស្រង់ព្រឹត្តិការណ៍នេះ ដោយ បានជួប យុវជនទាំងនោះ នៅក្នុងវេទិកា បានរៀបរៀងបទយកការណ៍ ដែលមានដូចតទៅនេះ៖
