ភ្នំពេញ៖ យន្តហោះដើរដោយថាមពលព្រះអាទិត្យបានបញ្ចប់ដំណើរ ជុំវិញពិភពលោកលើកដំបូង បន្ទាប់ពីយន្តនេះចុះចតនៅទីក្រុង Abu Dhabi។ លោក Bertrand Piccard ជាអ្នកបើកយន្តនេះ លោកបានកំណត់ផែនការគោលដៅជាក់លាក់ដោយហោះហើរ គឺពីរដ្ឋធានីកែប្រទេសអេហ្ស៊ីប ទៅរដ្ឋធានីប្រទេសអារ៉ាប់អេម៉ារ៉េត។
លោកត្រូវបានប្តូរវេនគ្នាបញ្ជាយន្តហោះប្រើប្រាស់ថាមពលព្រះអាទិត្យនេះ ជាមួយមិត្តរបស់គាត់ជនជាតិស្វីសគឺ លោក Andre Borschberg ជាមួយដំណើរបេសកកម្មលើកកម្ពស់ការប្រើប្រាស់ថាមពលកើតឡើងវិញ។
យាន្តហោះ នេះ បានបញ្ចប់ដោយហោះកាត់មហាសមុទ្រ ដោយចាប់ផ្តើមពីទីក្រុង Abu Dhabi កាលពីថ្ងៃទី ០៩ ខែ មិនា ឆ្នាំមុន។
លោក Piccard និយាយថានៅពេលចុះចតនៅទៅក្រុង Abu Dhabi ដោយក្តីរំភើប និងទះដៃអបអរសាទ ហើយពោលពាក្យថា«អនាគតគឺស្អាត»។ ការធ្វើដំណើរនេះមាន ១៧ ដំណាក់កាលគឺ ឆ្លង់កាត់៤ ទ្វីប សមុទ្រចំនួន៣ និងមហាសមុទ្រចំនួន២។
តាមបណ្ដាញផ្សាយព័ត៌មាន BBC ដំណើរហោះហើរវែងឆ្ងាយបំផុត 8,924 km (5,545 ម៉ាយល៍) ដោយ ជើងហោះហើរពីទីក្រុង Nagoya នៃប្រទេសជប៉ុន ទៅកោះហាវ៉ៃ ហើយសហរដ្ឋអាមេរិក ចំណាយពេលជិត ១១៨ ម៉ោង ដោយបំបែកកំណត់ត្រាពិភពលោករបស់លោក Borschberg ដោយយន្តហោះប្រើប្រាស់ថាមពលព្រះអាទិត្យ។
លោក Piccard និង លោក Borschberg ធ្វើការជាមួយគ្នាលើគម្រោងយន្តហោះប្រើប្រាស់ថាមពលព្រះអាទិត្យ ចំណាយពេលជាង១ទស្សវតរ៏។
ស្ថាបនិកទាំងពីរនេះ សង្ឃឹមថា នឹងបញ្ចប់គម្រោងនេះ តាំងពីឆ្នាំមុន ប៉ុន្តែភាពរីកចម្រើននៃភាពជឿនលឿន មិនទាន់គ្រប់គ្រាន់ ដើម្បីទទួលលទ្ធិផលល្អបំផុតនៃអាកាសធាតុនៅក្នុងរដូវ ក្តៅភាគខាងជើងនៃ Hemisphere។
យន្តហោះ Solar Impulse មានទង្ងន់ប្រហាក់ប្រហែលទៅនិងឡានមួយដែរ ប៉ុន្តែយន្តហោះមានស្លាប ប្រភេទ Boeing 747មួយគ្រឿងដែរ។ យន្តហោះដើរដោយពន្លឺព្រះអាទិត្យនេះ ប្រើថាមពលពីបន្ទះសូឡាចំនួន ១៧០០០ ផ្ទាំង។ ប៉ុន្តែអ្នកចរនាបានធ្វើបទបង្ហាញថា យន្តនេះមានប្រឈមខ្លាំងទៅនឹងបញ្ហាលក្ខខណ្ឌអាកាសធាតុ។
ជាការពិតណាស់ ដំណើរឆ្លង់កាត់ពីទីក្រុង Cairo គឺលោក Piccard ជួប ឧបសគ្គដោយសារលក្ខខណ្ខអាកាសធាតុមិនអំណោយផលនៃខ្យល់កួចខ្លាំង និងក្តៅខ្លាំង នៅលើវាលខ្សាច់នៃអារ៉ាប៊ី៕ ប្រភព:BBC