ពលករចំណាក់ស្រុកដោយខុសច្បាប់ខ្មែរចំនួនពីរនាក់ស្លាប់និង១៣នាក់រងរបួសក្នុងហេតុការគ្រោះថ្នាក់ចរាចរណ៍នៅខេត្តសាកែវប្រទេសថៃ។នេះបើតាមកាសែតបាកកកប៉ុស្តិ៍ចុះផ្សាយនៅថ្ងៃសុក្រទី២កុម្ភៈនេះ។
បើយោងតាមកាសែតថៃបាងកកប៉ុស្តិ៍ចុះផ្សាយថាប៉ូលិសនិងក្រុមជួយសង្គ្រោះបានរាយការណ៍បុរសជនជាតិខ្មែរម្នាក់និងស្ត្រីមា្នក់ស្លាប់និងពលករខ្មែរ១៣នាក់រងរបួសក្នុងករណីគ្រោះថ្នាក់ក្រឡាប់រថយន្តនៅប្រទេសថៃ។អ្នករងរបួសទាំងនោះមានប្រុស៨នាក់ ស្រី៤នាក់និងក្មេងស្រីម្នាក់ផងដែរ។
ពលករចំណាក់ស្រុកទាំងនោះគ្មានឯកសារស្របច្បាប់ពាក់ព័ន្ធនឹងការធ្វើដំណើរទេ។អ្នកបើកបរជាស្ត្រីជនថៃត្រូវបានរត់គេចខ្លួន។
ប៉ូលិសថៃបន្ថែមថាពលករខ្មែរទាំងនេះបានដឹកចេញពីព្រំដែនកាត់តាមស្រុកតាប្រាយ៉ាឆ្ពោះទៅកន្លែងធ្វើការនៅកណ្តាលខេត្ត ផាធុម ថានីដោយពលករបង់ប្រាក់ឲ្យដឹកជញ្ជូន២២០០បាតប្រហែល៦០ដុល្លារ។
ប៉ូលិសបានបញ្ជាក់មូលហេតុបណ្តាលឲ្យរថយន្តក្រឡាប់ដោយសារការបើកបរក្នុងល្បឿនលឿននាំតៃកុងឡានបាត់បងការគ្រប់គ្រងបណ្តាលឲ្យរថយន្តក្រឡាប់។
ប្រភព៖ Bangkok Post